ساعدوني ياصاحبات الفكر النير...

شمسه333 :

يسعدلي صبـاحج اختي الغاليـه .. من شهرين يا اختي الكريمه وانا اعاني مثل حالتج احبـاط اريد اضعف لكن مافيه همـه ولا اراده احس بكآبه واحس مافيه امل اني اضعف..عندي سير ونادر ما استخدمه وادوات للرياضه مغبره انا فاضيـه وجالسه فالبيت ماغير اكل وانام وجلسه ويا الاهل..بشكل عام عشوائيه وتردد يوم رجيم والثاني اخبص فالاسبوع اللعب رياضه مره واوقات انسى.. اللي حولي يشجعوني وفيه منهم اللي يحطمني بدون قصد.. دايما ادخل في هذا القسم واقرا المواضيع كلها حتى اني اعرف كل رجيم وطريقته وكم ينحف والمده اللي تحتاجها بسسس للاسف مافيه همـه او بمعنى اصح ارادة اللي هيه اهم عنصر للي يبغي يضعف وعلى هالمنوال شهرين تقريبا.. الي ان قريت موضوع الاخت سوول والاخت دلووعه جزاهن الله الف خيير صدق حسيت على دمي وندمت على الوقت اللي ضيعته بدون تخطيط وهدف وعشوائيه ومن اسبوعين بديت انتظم واول حـاجه عملتها اشتريت دفتر " كراسه " وعملت جدول لكل يوم وش اكلت فيه + تخفيف الاكل + ما اتعشى + اشرب دلة " ترمس " شاي اخضر بالزنجبيل + مشي نص ساعه وحاولت انتظم في هالشئ الاسبوع الاول حصلت لخبطه بس اصريت في الاسبوع الثاني وبديت اللتزم صراحـه الانسان لما يخفف الاكل يحس بانه خفيف وبعد ما يعمل اي رياضه وحتى المشي يحس بالحيويه والنشاط وعلى كلام احد الدكاتره المشي مفييد جدا يعدل نفسيه الانسان ويغير مووده .. والجسم يبيله وقت ويتعود على قله الاكل وعلى الرياضه يمكن اول اسبوع او اسبوعين يكون صعب بس بعدها بتتعودين ... انصحج يالغاليه مثل ما قالن الاخوات تحبين نفسج ..ولاتحطين في بالج ان الرجيم او الرياضه التزام لا خذيها على انها اسلوب حياه راح تتبعينه وتغيرين طريقتج في الاكل والمعيشه .. لاتعيشين ايام الرجيم بسلبيـه اخذيها بحيويـه ونشـاط الشباب خليها ممتعه بالطريقه اللي تبينها انتي واهم شئ توكلى على الله ولاتنسي الاستغفار .. لاتنسين للوصول الي الرشاقه اهم شئ 1- الارداه 2- التخفيفه او الحميه الغذائيه 3- ومن بعدها الرياضه وتوكلي على الله وحطي الرحمن بصدرج والله يوفقنـا جميعا وينحفنـا من غير شر يارب :26:

يسعدلي صبـاحج اختي الغاليـه .. من شهرين يا اختي الكريمه وانا اعاني مثل حالتج احبـاط اريد اضعف...

pr!De :

لا يمكنك مشاهدة هذا التعليق لانتهاكه شروط الاستخدام.

ms pinky :

لا يمكنك مشاهدة هذا التعليق لانتهاكه شروط الاستخدام.