ساعدووووني.....

هلا يا بنات
اعرف انه الشكوى لغير الله مذله بس اريد افضفض
واطلع الي في خاطري
انا عمري 30 سنه
طولي 156 او 158
ووزني المصيبة 91.5
بعد الولادة مع انه كان في بداية زواجي 60 وكان اوكيه
جربت ريجيمات كثيرة
واعشاب ونيوترشن طول مدة 3 سنوات
وطبعا كان يتخللها حمل وولادة
بس تعبت
احس زوجي اكيد يتمنى اني ارجع الحلوة والريشيقة
والناس لما يشوفوني يقولوا شو صار لج
يعني في اقل من 3 او 4 سنوات يصير جسمج كذه
والادهى تعرفوا كيف المتن يكبر الوحدة
انا كان متمركز في اردافي
بس الحين طلعت لي كرش
والله احس باحباط
واحس انه ما شي فايدة اسوي ريجيم
وغير اللبس اللي ننحرم منه
حتى لو زوجي عندي
احس في خاطره يقول لو كنت ماخذ وحده اضعف
ما اعرف شو اسوي
انا اشتغل وارد البيت قريب 2
وما اتغدى اكل أي خرابيط
وانام شوي
اعرف غلط بس اكون تعبانه
والعشاء اغلبه شوربه
نادر ا>ا خبص فيه
ادعولي الله يغير حالي
والله تعبت
احس اني اريد اتغير
وفي شي داخلي يقولي ما شي امل
ما عندي حد يشجع ريلي 80% يقولي اوكيه ظلي كذه وانا رافضه
والباقي من النسبه يقولي ياريتك لو بس تضعفي شوي
ادعولي
ادعولي
فكرت اخذ حبوب
بس اخاف وغير انه رافض
شو اسوي
ما اريد ريلي يشوف غيري
ونفس الوقت ما عندي العزيمة ولا الوقت
لطلعه او النادي
عندي جهاز في البيت
بس
ما اعرف
تعبت
ساعدوني
ما اعرف شو اكتب او شو اقول
احس اني ما صرت اصدق حد ضعف

او احس الموضوع بعيد وصعب المنال
انا عاطيه عمري مهله لين الصيف شهر 7 اني اتغير
بس ما اعرف كيف
ما عجبتني الريجيمات
وما عندي حد يشجع
صرت اكره العزايم
اللي يشوفني ينصعق
ويقول بصوت عالي
اشفيج انفرشتي
ومتنتي وشو صار لج
والله يا بنات احس اني انتفخ حتى من الهواء
زوجات اخوان زوجي
وايد يعقون كلام يحبط سواء بالتلفون او لما ازورهم او يزوروني
تعبت والله
حد يساعدني
وله الاجر
اعرف كل شي بيدي
بس تعبت