LOoOLo---- @looolo_3

عضوة جديدة

ساعدو العضوه الجديده؟؟؟؟؟؟؟؟؟؟؟

بسم الله الرحمن الرحيم

السلام علكم اخواتي كواكب عالم حواء العزيز

انا عضوه جديده واتمنى ماكون ثقيلة دم اعذروني على الاطاله بس حبيت نصائحكم وخبراتكم في حل مشكلتي

مشكلتي اني قررت اطلق من زوجي وهو يقول لا الا اذا ابوكي شخصيا طلب مني ؟؟؟ ذيك الساعه والله اطلق ...وهو عارف ان ابوي مستحيل يطلب منه الطلاق لان ابوي ملتزم وطبع ابوي جاد يعني لو باقنعه ماراح يطلب منه راح يروح لمحكمه وهو عارف طباع ابوي ..ومتاكد انه كذا بيلوي ذراعي علشان اسكت مثل كل مره المهم ............
انا متزوجه من 8سنوات تقريبا وطول المده ذي وانا وزوجي مابينا تفاهم والمشاكل بعضها منا وبعضها خارجي والمشكله العوده في تركيبت زوجي هو من النوع الكتوم الساكت المنطوي الناقد وانا من النوع الحرك النشيط زياده عن الزوم من اول يوم انصدمت فيه كان ساكت وقليل الكلام واذا ضحكت اورديت بصوت عالي شوي بسرعه يعصب ويسكتني ويقول لحد يسمع صوتك مع انه عادي جدا المهم..ابي اقولكم النقاط المهمه وهي انه مقتنع اقتناع تام اني من البنات الي يشوفون نفسهم والي مايتحملون عيشه الفقر والي كل شي عندهم الموضه الازياء واني اكره اهله وان زوجة الولد لازم منها الخطاء دايم و اني منحازه لزوجة ابوه واني من النوع الي مايصون اسرار البيت واني ماحب نوعية اصدقائه.............
.............لكن يشهدالله اني مو مثل ماهو متصور هو مشكلته يموت في امه بشكل قوي وانا ماعتبره عيب بس المصيبه اذا تركها تسير حياتنا ..والله من اول ليله وهو خايف من موقفها لو شافته يبين لي حبه تصدقون في شهر العسل سوت عمته مشكله عوده بحجة ليش يطلع يتزوج من برى وماخذ من العيله حقتهم بعدها تصورو هو وش سوى قالي روحي مع اهلك لين المشاكل ذي تنحل تصورو الموقف البطولي وقعدت يومين عند اهلي بدون مايرفع السماعه حتى ؟؟؟؟ قلت لامي ماراح ارد وياه ابد لو يموت...طبعا امي قعدت تهديني وانه كان مشوش تفكيرة وانك بالطريقه ذي راح تساعديهم على خطتهم بعد كذا كلمني وماناقشته في موقفه وهو حتى ماكلمني عن اي شي ورحنا لبيتنا في منطقه بعيده عن عيلتي وعيلته بس الكسر كلماله ويكبر لحد ماطلب مني اني ما اكلم اخواتي الى مره في الاسبوع يمكن متصور اني راح اشكي لهم او توقع انهم يتحكمون في حياتي معه؟؟ بس طبعا كل ذا اوهام هو خلقها وعاش فيها ........... الحين صار له 3 سنوات بعدماصابته الجلطه وهو لالالالا يطاق والنقد الي كان ذابحني فيه زاد والتجريح فيني بسبب وبدون سبب والله والله مرات قاعدين اشحلاتنا يطلع عرض بموضع عارف ميه بالميه انه يغثني ونتخاصم بعدها اسبوع شهر الي يقدر عليه على اني احاول اراعي ظروفه الصحيه بس هو يحاول انه يطفشني وفي نفس الوقت ماوده وانا تعبانه من حياتي معه اصلن من يوم تزوجته والكل يقول تغيرتي ونحفتي وانا اقول التهاب معده او ساعات اقول قولون .....وانا متاكده ان كل الي يعرفوني فاهمين وضعي معه بس ساكتين ...وللامانه هو فيه صفات كتير زينه بس الي انا اعاني منها هي اخطر الصفات مع العلم اني طول زواجي وان متحمله حالته الماديه السيئه وتدخلات امه واخواته وحتى انه هو مبهور فيني وكيفية موازنتي للمصاريف وعارف ان كل ذا علشان مااحمله فوق طاقته .. واحب اقولكم انه تفاجاء اول زواجنا في مهارتي في الطبخ والتعامل مع الضيوف مع انه كان متوقع عكس كذا بحكم صغر سني وان امي مارح تدخلني المطبخ ابد لانه مو في حاجة احد يساعدها وتخيلو ماكان يمدحني ابد والله كان اهله واصدقائه ينبهرون في شغلي وهو يقول... لاتاخذين مقلب في نفسك ؟؟؟؟؟؟؟ ودايم اعرف الي في صدره حقيقه اذا تخاصمنا يجي يعتذر ويقول مادري ليش ماقدر امدحك واقولك الي في نفسي بعدين يقول والله حتى اصدقائي وربعي يمدحون ذاك اليوم كذا وكذا .....وهاذي حالي اتخاصم علشان اعرف الي في قلبه ودايم اتحسر على نفسي ليش مايقول كل الي في قلبه مادري ليش يحب السكوت والصمت ؟؟؟ آسفه على الاطاله بس والله صاكه فيني الدنيا وقلت اشوف يمكن القى احد يريحني الله يجزاكم خير جميعا .......................بس لي طلب الله يخليكم وانتم تقرون حطو نفسكم مكاني ................

يلزم عليك تسجيل الدخول أولًا لكتابة تعليق.

تسجيل دخول

جنى محمد* • 15 سنة

الله يكون في عونك كل الرجال كذا نادر مايمدح في المراه لو شايلته على راسك

ليتني قلبه&& • 15 سنة

حياتي والله حاسه فيك

بس والله مادري وش اقول حاولي انك تلجئي الى الله والاستغفار وتصبرين عليه

ولاتنسين ان الطلاق ابغض الحلال

ويارب البنات يفيدونك

LOoOLo---- • 15 سنة

تسلمون حبايبي ومشكوره على تواصلكم معاي والله يساعدني على الي انا فيه

@الدنيا فانيه@ • 15 سنة

شوفي حبيبتي

ترى اغلب الرجال مايعرف يمدح زوجته او شي سوته

الجفاف هذا طبع باغلبيتهم

انا اقول اصبري وتحملي خصوصا انه توه مصاب بجلطه ومالك الاجر باذن الله

واكيد بيقدر هالشي حتى لو ماقاله بلسانه وبتكبرين في عينه

لاتستعجلين حبيبتي خصوصا اذا بينكم اطفال.. غيري اسلوبك معاه يمكن يتغير

ترى السعاده احيانا تكون بالتغافل والتطنيش

يعني مثلا اذا جاب موضوع يضايقك وانتم بوسط جلستكم لاتتضايقين وتكبرين السالفه ولاتتناقشين فيها ابدا

ابتسمي وسوي نفسك ان السالفه ماتهمك جربي ماراح تخسرين شي !!!

الكلام اللي يجيك من الناس او اهله طنشييييه لانك اذا دققتي بكل سالفه وكل كلمه بتتعبين وماراح تستفيدين شي

اذكر وحده كانت عايشه بسعاد وفرفوشه دائما قالوا لها وش سر سعادتك

قالت التغااافل تحسبوني مااسمع كلام عني او غيبه الناس فيني !!

انا اسمع واطنش كل اللي يقولونه عشان كذا مرتاحه

فيه شيخ اسلوبه مرررره روعه وهو متخصص للاستشارات الزوجيه

الدكتور عبد الرحمن المحرج انصحك تسالينه وان شاء الله بيساعدك

بقسم الفتاه المسلمه هنا وحده من العضوه جزاها الله خير كاتبه موضوع كامل عن ارقام الاستشاريين والمشايخ

ورقمه اكيد موجود انصحك فيه وبشده

الله يوفقك ويحييك بين اخواتك

LOoOLo---- • 15 سنة

مشكوره ياعمري (الدنيا فانيه) بس صدقيني انا من النوع الصابر وقليل ماشكي وياكثر ماطنش بس ساعات الانسان يحس انه قدم تنازلات لانسان موشايفك اصلن ودايم احاول اكيب رضى اهله ولو اقولك راح تستغربين من تعاملهم معي بس انا مشكلتي الكبيره معه هو طباعه غامضه وعاى طول العشره ماقدرت افهمها