ساعوني الله يخليكم ويفرج همومكم

السلام عليكم ورحمة الله وبركاته

اخواتي هذه اول مشاركة لي بالمنتدى وانا ماشاركت وعرضت عليكم مشكلتي الا لما شفت تعاونكم مع بعض وحبكم لبعض

واتمنى تساعدوني بمشكلتي لإن قلبي ماعاد يتحمل

المشكلة ومافيها:
انا بالمدرسة احب المرشدة الطلابية حقتنا بس وربي يشهد علي اني ماحبيتها عشانها مرشدة طلابية
عشان ماابغى احد يقول انتي فاقدة حنا وشفتيه فيها لا ولله الحمد اهلي مشبعيني بالحنان

بس مدري شنو الشئ اللي خلاني انجذب لها

احس حبيتها مرررة وقمت كأي طالبة لما تحب معلمة تجتهد لها وتزيين دفترها وتسوي اي شئ تقول لها المعلمة سويه انا كل دفاتري مزينة يعني مو بس مادتها

هي كانت معاملتها عادية معي واقل من عادية لكن السنة الماضية بالفصل الثاني زادت علاقتي انا وربعي معها

وطاحت الميانة معها بس لحد الحين ماتعرف اني احبها بس تدري اني ارتاح لها هي وبعض المعلمات غير عن المعلمات البقية

المهم هي دايم تتوسط لنا ودايم تتجاوز عنا بالدرجات وتنادينا وتسولف معنا يعني ونااااسة معها بالحيييل

طيب وانتهى العام الدراسي على خير ولسه حنا متواصلين معها تواصل حلو

فقط انا وربعي اللي متواصلين معها ونروح لها ونسولف معها ولا بقية الطالبات عادي

واللي فرحني اكثرر انها بالعطلة اذا شافت احد من اقاربي دايم تسأل عني وتقول لهم سلموا على اختكم او بنتكم

هذه كان شئ حلو بالنسبة لي

بس انا مو من النوع اللي يتأثر بالأعجاب وانه ينحدر مستواي عشان الإعجاب ولا تتغير اخلاقي

لا ابدا اساسا حتى التفكير ماافكر بها واجد الا اذا شفتها او شفت شئ يتعلق بها

هذا بعد شئ حلوو اني مااتغير عشان الإعجاب لان مااؤمن به كثييير

لكن الشئ السئ جدا جدا أن من داومنا هالسنة لنا اسبوعين ماجت

واللي عرفته من اقاربي انها عندها ظرووووف ماتقدر تجي المدرسة مادري يمكن تتاخر بس مانقلت ولا تقاعدت

وبهالأسبوع جت وحدة من المعلمات اللي بعد انا قريبة منها بس مو مطيحة الميانة معها واجد زي هذه اللي حبيتها

جت وقالت انا بكون المرشدة الطلابية حقتكم

صار الخبرر عندي مثل الصاقعة مدري مقدر اتوقع ان هذيك اللي حبيتها تتغير وتصير معلمة فقط

تعودت اروح لها اقول لها اللي بقلبي ارتحت لها وااجد

الحين ساءت نفسيتي مقدر اتحمل انها ماتجي او ان اي وحدة من المعلمات تحل محلها

ويضيق صدري اكثر لاتذكرت المواقف اللي بالسنة الماضية معها ووناستنا وضحكنا مع بعض

اتمنى ياجماعة تساعدوني لإن ماكتبت لكم الا اني محتاجة لحد يساعدني ويقول لي شسوي

واحب أأكد لكم اني مو مثل البنات لاحبو معلمة ولا بنت دايم يراقبونها ولا يضيعون وقتهم عشانها

وابغاكم بعد تقولون لي هل هي لما تدري اني احبها تتضايق

واذا طلبت منها رقمها او ايميلها هل هالشئ عادي وهل هي تتقبله

اتمنى انكم تساعدوني باقرب وقت تراني محتاجة لكم بعد رب العالمين