سالتكم بالله تخلو انا بكرب عظيم

يابنات انا توني متزوجة وزوجي متزوج قبلي وحده بس قبل اربع شهور جابت ولد اول طفل لهم المهم انا لما جا خطبني ماكنت اعرف ان زوجتة حامل لانه قبل يتزوجها خطبني ورفضت وبعدين تزوجها ورجع خطبني المهم ربي كتب وتزوجنا وجابت زوجته الولد المهم امه الله يهديها ماهي موافقه على زواجه مني وانا ماكنت اعرف رغم انها كانت تقوله تزوج على زوجتك اللي كبرك معه اربع حريم فلما تزوجني زعلت والله يابنات تصدقون مااعرف شكل امه ولا خواته ولااحد من اهله المهم صارلي ابرع شهور متزوجه ولاجوني ولاكلموني والقهر اخته الكبيره داعيه طيب انتي يالداعية ليش تقطعيني موربي كاتب نصيبي كذا بدل ماتقولين هاذي صارت زوجة اخوي ولازم نجيها وتجينا صح يابنات كلامي انا اتمنى انها بالمنتدى اخته عشان تحس فيني ويرحموني انا لوحدي هنا واهلي بعيد ماعندي احد بس بالبيت قاعده وزوجته تروح وتجي معهم وانا قلبي يتقطع والمصيبة الكبيره يابنات زوجي كل ليلة ينام عند الاوله وانا بس يوم بالاسبوع وام زوجي شارطه على زوجي مايعلم الاولى انه تزوج تدرون وش عذرها تقول نخاف تزعل وتاخذ الولد وتروح لاهله اهلها هنا بنفس المنطقة يابنات تعبت نفسين حاولت اتقرب لخالتي ام زوجي طبعا بس مافي فايدة انا زي ماقلت لكم ماشفتها ولاكلمتها بس ارسلت لها هدية مع ولدها واقبلتها وقالت لولدها اشكره عني طيب ليش كذا يابنات وش الحل تكفون كل وحده تراجع نفسها يمكنها اخت زوجي يارب تحنن قلوبهم علي والله اني بكرب وعظيم وش ذنبي نصيبي كذا واصلا لوحظي زين كان تزوجتة قبل يتزوج يابنات وش الحل كيف اكسبهم اكلم ام زوجي طيب وش اقول او اكلم حماتي الكبيرة الداعية او ايش الحل تكفون جاوبوني ولايوقف موضوعي يمكن يقرونه حمواتي وتحن قلوبهم علي هم ماشافو خيري من شري ولاعطوني فرصة وانا ماكنت ادري ان زوجته حامل وهو فهمنا انه مايبيها وبعد الملكه صارحني بحملها بغيت اموت تكفون ردو تصورو زوجي ماينام ولايلبس عندي الايوم بالاسبوع وزوجتة ماتدري ليش كذا ولاتقولون مسيار لا يابنات بس عطوني الحل وارفعو الموضوووع امانة تسالون عنها يوم القيامة ترا ابكي قهر وانا كل ليلة لحالي بين اربع جدران واهلي بعيد ولااقدر اسوي شي