سالفة تعجب البنات اللي ماتزوجوا ...أكيد ..

سالفة تعجب البنات اللي ماتزوجوا ...أكيد ..

هلا وغلا بكل اللي شرفوني وفتحوا صفحتي

البنات اللي ماتزوجوا ،،، بأي عمر كان ،،،

هل تعلمن أنكم مغبوطات من أخواتكم اللي تزوجوا وهم صغار ؟؟

أنا ما اقول أن الزواج مو نعمة من الله ،،، أستغفر الله ،،،الحياة الزوجية فيها الحلو والمر ،،، يوم عسل ويوم بصل ،،، مثل أي حياة ثانية ...

لكن ...

البنات اللي ما تزوجوا عندهم نعمة عظيمة ما يدرون عنها ..إلا القليلات منهن ...

تدرون ايش هذي النعمة ؟
نعمة الفراغ ..ونعمة الصحة والعافية ..

وماراح تصدقوني الا لما تتزوجون ، وبعدين تقولون أم يحيى قالت ..

فأوصيكم أخواتي ، بناتي ،،، استفيدوا قد ما تقدرون من نعمة الفراغ في :


قراءة القرآن وختمة وحفظه بأكثر ما تستطيعين ،،، لأنك إذا تزوجت ماراح يكون وقتك كله لك ...راح تكون عندك مسؤوليات ، أحيانا تتمنين تفتحين المصحف ولا تقدرين ...

الصلاة : أوصيك أختي الحبيبة بالإكثار من صلاة النافلة والخشوع فيها باكبر قدر تستطيعين ،،، فبعد الزواج والأطفال تتمنين الهدوء والوقت الذي تصلين فيه على راحتك مثل ما كنتي بنت في بيت أهلك ..

الصيام : صيام التطوع ،،صومي قبل لا ترتبطين بزوج وعيال ومسؤوليات ماتدرين بكرة تقدرين تصومين تطوع على كيفك والا لا ..

الحج والعمرة : إذا حصلت لك فرصة وتيسرت لا تفوتينها ، قبل لا ترتبطين بمسؤوليات الزواج ،،وإذا أهلك نووا يسافرون منا والا منا أشيري عليهم بالحج أو العمرة حسب الإمكانيات والوقت المناسب ..أعرف ناس هداهم الله لما كان عندهم فلوس سافروا واستانسوا ،،، وهم ما حجوا ولا اعتمروا ،، ولما خسروا فلوسهم بالأسهم الحين يتمنون الحج والعمرة :(...


و ترى هذي بعض من فيض من الفوائد العظيمة التي لا تعد ولا تحصى من الميزات الموجودة عند البنات اللي ما تزوجو ا ...واللي ما حسوا فيها المتزوجات الا بعد ما تدبسوا بالمسؤوليات اللي ما كانوا يتوقعونها ...وكان ودي أكتب أشياء أكثر لكن ما ودي أطول عليكم ، واتمنى منكم أنتم تذكروننا بأشياء ثانية مفيدة ممكن البنات يستغلونها قبل الزواج حتى إذا تذكروها بعدين يقولون الحمد لله أننا استفدنا من جلستنا في بيت أهلنا ،، لأني مع الأسف سمعت بعض البنات يوصون بعض يقولون : خلينا نشبع نوم قبل الزواج والمسؤوليات !!


ولا تنسون حديث الرسول عليه الصلاة والسلام :

(اغتنم خمساً قبل خمس :
شبابك قبل هرمك،
وصحتك قبل سقمك،
وغناك قبل فقرك،
وفراغك قبل شغلك،
وحياتك قبل موتك)


والحمد لله رب العالمين ..





.