سالفة غسل الشعر اثناء الدورة اللي عوروا راسنا فيها !!! مهم دشوووو شوي ...

السلام عليكم ورحمة الله ..

يابنات لو سمحتوا ابيكم تشوفون هالروابط لمواضيع نشروها الاخوات فهالمنتدى خوفا منهم على سلامتنا جزاهن الله خير ..

اولا

http://forum.hawaaworld.com/showthread.php?t=1031236&highlight=%C7%E1%E4%D3%C7%C1+%D4%DA%E6%D1%E5%E4

ثانيا

http://forum.hawaaworld.com/showthread.php?t=1034523&highlight=%D4%DA%E6%D1%E5%E4

ثالثا

الموضوع مو قادرة احصله بس انا متأكدة ان المكتوب الدكتورة اللي مسوية البحث صينية ..

+++++++++

المهم اللي بغيت اقوله واوصله لكم ان الموضوع نفسه مشكوك فيه مرة الدكتورة يابانية مرة صينية مرة تايوانيه .. ألخ ..

يابنات مو كل ماتقروه تصدقوه ,, الانسان له عقل يفكر فيه ,, معقولة النظافة ممكن تضر ؟؟ خصوصا فحالة ان الوحدة عليها دورة ..

يابنات لاتكبرون السالفة ...

الوحدة اصلا تحس نفسها مو نظيفة ايام الدورة ..
شلون لو ماتسبحت !!!!!!!!!!

بعدين وش عليكم من كلام الطبيبة الصينية ولا اليابانية ولا التايوانية .. اصلا اكيد هي مو مسلمة او بوذية ..
عاد ياكثر خزعبلاتهم و خرافاتهم ..

احنا مسلمين وديننا ولله الحمد ماخلا شي الا وذكره وتطرق له .. وكلنا عارفين ان ديننا الاسلامي يحث على النظافة ..

ومافي ذكر لا فالقران ولا فالسنة عن هالشي ..
في حين مثلا الاسلام حرم الوشم لانه يضر بالانسان ..
يعني لو كان في شي فأستحمام المرأة اثناء الدورة الشهرية اكيد كان بيكون الاستحمام محرم ..

وعلى فكرة انا والدتي دكتورة نساء وولادة وسألتها عن هالموضوع .. قالت انا صارلي 25 سنة امارس هالمهنة ماقريت فكتاب ولا سمعت اي شي من هالكلام .. بالعكس النظافة مستحبه ومطلوبة لان الدورة نجاسة ووسخ فالافضل ان الوحدة تحافظ على نظافتها منعا للامراض ..

هذا اللي حبيت اقوله .. والله يبعد الشر والمرض عنكم كلكم .....