سالفة مؤثرة .. ليست كل المصائب نهايتها سيئة يمكن تكون خيرة

قصة قالتي امي عن وحده تعرفها تزوجت ولد عمها وهم نفس العمر المهم ماجاها عيال لين وصل عمرها ٤٤ بعدها تزوج زوجها وزوجته حملت على طول يوم درت تحطمت وحاولت تطلب الطلاق بس زوجها رفض وفكرت بالخلع لكن لازم ترجع المهر وهو مائة الف وماعندها هالمبلغ وكانت تبكي خاصة انه زوجها بدأ يهملها كثير ولما راحت الزوجة الثانية عشان تولد سبحان الله ماتت الله يرحمها والولد عاش والزوجة الثانية ماعندها الا ام كبيرة في السن ماتقدر على البزر جابه الرجال لزوجته الاولى رفضت تشوفه وقالت دبر نفسك قالها حرام يتيم اكسبي اجر قالت لا قالها شوفيه بس اول ماشافته حست بشيء غريب يجذبه لها وقالت خلاص هالولد من اليوم ولدي وصارت تهتم فيه وجابت له حليب واغراض بعد شهرين ماجاتها الدورة قالت في نفسها انا ماقدر احمل وعمري ٤٥ يعني مستحيل الحمل يمكن تتاخر شوي وتجي واشغلها الولد ولاعاد انتبهت انه الدورة تاخرت ٣ شهور ونص الا بالصدفة بعد مااستحمت وبدت تلبس لاحظت انه بطنها كبر وهي ماعندها بطن كبير استغربت ولاجاها غثيان راحت للدكتور وعلمتها انه الدورة متاخرة وطلبتها تسوي تحليل حمل وفعلا طلعت حامل تجننت من الفرحة وبكت في المستشفى والممرضات يهدونها المهم ربي تتم عليها وجابت ولد وقتها ولد زوجها كان عمره سنه وشهرين وكانت ترضع ولدها من صدرها والثاني رضاعة فكرت انه الاثنين اخوان وفي عمر بعض اذا كبروا وصاروا ١٥ سنه هالولد ماقدر اخليه يجي جمعات اخواني لانه مايكشف على اخواتي فبيصير يكره اخوه لانه عنده خالات وهو لا في وقتها فكرت ارضعه ورضعته مع ولدها لين كمل سنتين وصار ولدها شرعا وسبحان الله كانت تتمنى يصير عندها ولد واحد يقولها ماما وصار عندها اثنين