سالفتي طويله بتعبكم..

اه يابنات..

ماني عارفه كيف أبدأ..

استغفرك اللهم وأتوب إليك..

حاسه بضيقه في نفسي...

ماأدري وش جرالي..؟؟

اكتئاب شديد..ووحده..

ماكنت قبل كذا..أقصد قبل مأأتزوج..

قبل الزواج تقريبا بثلاث أو اربع سنوات..

كنت أنسانه متفائله...بالرغم من المشاكل اللي كنت أمر فيها بسبب خلاف امي وابي ومشاكلهم التي لاتنتهي..وأ،ا كنت ضبعا ضحيه من ضحاياهم..وكنا في البيت قسمين...ناس مع الاب وناس مع الام..

كنت لما احس بحزن دايما اروح لسطح بيتنا وانظر للدنيا بتفائل وابكي واكلم السما...وكنت انبسط لما اروح المدرسه واي احد يضايقني بالكلام ماكنت انتبهه لكلامه...يعني على نياتي ...واراعي شعور الناس قبل شعوري..
وكنت دايما ابحث عن اي شخص يهتم فيني سواء معلمه او صديقه...وافرح كثير..يعني حياتي كلها برا البيت...

وبما ان احنا ماعندنا اهل ساكنين بنفس المنطقه ...فكنا مانطلع لاحد ولا نشوف اهلنا الا كل شهرين او ثلاثه وساعات بس في العطله او العيد...يعني بالموت...لان ابوي كان مايرضى ...سواء لاهله او لاهل امي..

المتنفس الوحيد لنا هو المدرسه..

ولما دخلت الكليه اول سنتين كنت مبسوطه وفرحانه...لكن بعدها جات المشاكل...فجأه بديت أحس ان اغلب الناس صارت تستغل طيبتي وتهاجمني..حتى شلتي صاروا يضايقوني لاني كنت اشطر وحده فيهم وماكن مبين علي...ويتكلمون علي عند بنات ثانيين كانوا يحبوني...واني اذاكر ولاابين لهم...يعني اتهامات باطله..

المهم...صارت مشاكل كبيره في البيت ومنها ان ابوي بدا يحاول يكلم ....(...) وصار يحاول يخطب ..يعني تغير كثير..

حسيت وقتها انقلبت الدنيا علي...ابوي هو قدوتي يسوي كذا...انقلبت عندي الموازين...صرت مااعرف ايش الصح والخطا..

وهذا طبعا جرف معاه اشياء ثانيه...يعني اذا كان رب البيت ضارب وعليكم الباقي..

صار الكل يعرف ايش يسوي وصاروا يقلدونه بالرغم من اخلاقهم وتربيتهم العاليه لكن لانهم عرفوا باللي سواه انقلب كل شيء..

باختصار بدأ الكل يضيع..

طبعا بعدها نا تعبت نفسيتي ونقص وزني خلال اسبوعين شيء مو بسيط ابداااااااااااااا..ماصرت اكل ولا اشرب..

واخر سنه بالضبط وكنت وقتها كرهت كل شيء حتى الكليه...علاماتي صارت كلها زفت...وبديت انظر للدنيا بشكل سوداوي..

وصار تسليتي الوحيد هو الانترنت...واللي احس فيه اني اشوف العالم وكل شي بيديني...وتعلمت منه اشياء كثيره واهملت دراستي بسببه...

بس الحمدلله ربي حماني وقتها...الين تخرجت وانا على هالحال..وبعدها كنت ابي اتوظف...لكن طبعا ابوي كان يخرب كل شي...الين وصلني للحضيض...حتى دورات ماكان يرضى...كل شي لا...روحة المسجد لا الصلاه لا...سوبر ماركت لا..سوق لا...محبوسين في البيت زي العصافير في القفص...

لااهل ولاطلعه...وطبعا كمل علينا وراح تزوج...وبعد ماكان يمدح فيها ويقول انها احسن من امي...طلعت للاسف ماتسوى حتى ترابها....ماغير حاطه رجل على رجل ...لاطبخ ولانفخ...وامي المسكينه كل شي تسويه...طبعا هي عايشه في جزء منفصل لكن كنا نقدر نشوف كل شي...وانه كان يعاملها احسن معامله...ويجي لامي بس خناق وحق الاكل...

وصار مايهتم فينا...واهملنا لدرجه فضيعه...ولاحتي يتطمن علينا...يقول انه خلاص تعب ويبي يشوف نفسه...

وكان ربي قال الام والاب لازم يرتاحون...ليش قالوا لهم فضل...لكن الظاهر بعض الابهات فاهمين السالفه غلط..
وانهم لازم يرتاحون ويخلون البيت يولي..

طبعا زوجته من دوله عربيه ماابي اقولها...والله يستر عليها...البلى من ابوي لانه كان يفكر بس في نفسه..حتى في اختياره للزوجه ماكان همه اخلاقها...اذا تصلي ولا لا..اهم شي بيضا وتولع...والشعر اشقر..


المهم بعدها جا الفرج ...اللي كل بنت تتعلق فيه عشان تتخلص من بيتها...وكنت فرحانه لاني بروح معاه وبعيد عن اهلي..لاني زهقت من مشاكلهم..

وكنت ادعي انه ملتزم لاني كنت حاطه في بالي انه راح يعني على الخير...

الحين الموضوع زاد الطينه بله...

صرت بعيده عن اهلي..

اهل زوجي جيتهم بنفس طيبه وكانهم اهلي لكنهم صاروا يحاسبوني على كل شي اسويه وكاني لازم اخذ موافقتهم في كل شي..
فابتعدت عنهم..


زوجي طالع 24 ساعه برا البيت...هو عمله الين الظهر ...لكنه يربط نفسه باي نشاطات خارجيه...المهم انه يكون برا البيت..طبعا هو طبعه كذا من زمان...كل يوم معزوم..وكان حتى مايحب يطلعني حتى في الاسبوع مره..وعشان يرتاح مني كان يرميني بيت اهله....وهذا اللي زاد الموضوع سؤ...

يعني متنفسي الوحيد اهله..

وحتى وظيفه مايبي يتحرك لي فيها يعني كل شي مو لازم...يعني انا اخر همه...

حاولت اتعرف على ناس لكني ماقدرت اتاقلم مع اي احد...وحتى بعض بنات اهل زوجي ارتبطت فيهم وسوولي مشاكل كثيرررررررررررررررررره...فالبعد عنهم راحه..

وكل مافكرت في مشروع مادي يخربون علي اهل زوجي ويبون كل شي ببلاش...ويسوون لي سالفه وان مافيني خير...

ويخربون علي لانهم يعرفون اغلب الناس اللي في المنطفه لاننا في منطقه شبهه قرويه..والناس تعرف بعضها ...

وكل مافكرت افتح مشروع في هالمنطقه لقيت عدم تقبل الناس لها...

باختصار كرهتها....ابي ارجع لمدينتي...تعبت نفسيا...كل يوم بكا...

حاولت معاه مافي فايده...

والله كرهت الرجال كلهم...من اخوي لابوي لزوجي..

هم سبب كل ظلم نعيشه..


زوجي انواع التحطيم...كل شي فيني مايعجبه..

كل طبخه اسويها يقول ثقيله..مع ان غيره يذوقها وتعجبه......حتى طبخات منال جربتها...ياكل شوي ويقوم..وبيت الناس وفي العزايم ياكل ويمدح ولا يقول ثقيل..

والله يابنات ان الرجال من اهله يستغربون اذا سمعوا بشهاداتي وطموحي..وكيف ان زوجي مو حاس بقيميتي..

كل شهاده اخذتها...وكل شي اعرفه..

خياطه

بكالوريوس..

عندي لغه انجليزيه..

اعرف اي شي بالكمبيوتر...

دائما البس واكشخ...وحتى شكلي الحمدلله مو ناقصني شي...مااقول اني جميله وامدح نفسي واني اطيح الطير من السما لكني عارفه كيف ابرز كل شي فيني..باللبس والمكياج

وعلى كل هذا يتكلم عن حريم من اهله وانهم يهبلون ويكونون اقل مستوى مني لكنه يسمع خواته ويجي يقول هذي حلوه وهذي كذا..

وانا نادرا مااسمع منه الا ساعات بالغلط..وساعات وكنه يتطنز..

وهو قالي مااحب امدح الحرمه تشوف نفسها...

-------------

انا الحين غسلت يدي منه ومايهمني كل هذا..

اللي مضايقني اني مو قادره اعيش في هالمنطقه بسبب وحدتي...

صديقاتي واهلي بعاد عني..

ولاقدرت اتاقلم مع ناس المنطقه واهلها..

وتعبت القى وظيفه...

___________

يابنات انا كتبت لكم لاني ابي افضفض...نفسيتي تعبانه جدا ودائما ابكي من الوحده..

ليش يابنات الرجل دائما هو سبب حزن المراه...

ماني قادره احل مشكلتي...لانه مسكر علي كل باب...

انا ماتعرض على حكمة رب العالمين..

بس الى متى نعيش تحت ظلم الرجل..

انا انسانه طموحه وكل احلامي تبددت في الهوا..

اقلها الحين وحده طالبه مني مشروع على الكمبيوتر...طلبت منه بس يساعدني شوي ..ابد مش مهتم..

قلتله طيب روح مكتبه وشوف كم سعره برا عشان مااظلم نفسي ولا البينت..

ابد عمك اصمخ...ولا كني اكلمه..

كل شي زهقان منه...مايبي يجيب اغراض ولايبي يجلس معاي ولا يقوم بطلباتي...واذا سوى شي يكون متضايق ويبي يخلص بسرعه..

وادري هذي مو بس مشكلتي..مشكله الكثيررررررررررررررررر للاسف..

ظلم ظلم...

وباقي كلم كثير بس انتظر ردودكم عشان افضفض اكثر..

لاني عارفه ردود بعض البنات منها احمدي ربك..ومنها زوجك احسن من غيره..

لكن مايحس بالمشكله الا اللي جربها..

ابي حلول مقنعه او دعاء منكم...

شي غير اللي نسمعه كل مره..

واللي عندها غير كذا او شي بيغثني تراني مو ناقصه...

فضلا يابنات لاامر..


نبي حل لمشاكلنا مع الرجججججججججججججججججججل

لاتقولون هذا نصيبنا..

الى متى بنعيش في اكتئاب...

اوكي بنددعي ربنا...لكن مايصير مانتحرك...لازم نسوي شي...نبي حلول منطقيه ارجوكم لكل مشكله...

___________

مشكلتي باختصار الوحده...وذكرت لكم ليش انا وحيده..

الحين ابي احد يقولي ايش اسوي عشان اطلع على الناس...مع انا في منطقتي قليل ناس احسهم متحضرين وتفهم كل شي..اغلب الحريم اللي اختلطت فيهم ناس تحب الهذره ولا عندهم طموح...وتحب الحش وبس...واهل زوجي من نفس هالطبقه ..ماادري هم كرهوني بكل شي..بس خلاص غسلت يدي منهم ومن اي شخص يعز عليهم..

ماااااااااااااااابيهم..:angry:

طبعا في ناس كثير بس الوصول لهم صعب...يعني يمكن لما اتوظف تنحل مشكلتي...لكن ماش..

اخ ياربي تعبت وانا اكتب..


----------------------

وجيبوا لي حل مع زوجي قبل لااطلع من طوري واروح بيت اهلي واقلب الدنيا كلها فوق راس ابوي..

-------------

اي نسيت بقول شي..الحين بجيب ولد ..وام زوجي تبي تسميه عيني عينك وتقول بزعل..وعاد انا مو طايقتها خير شر..لاني كنت اعزها واكلمها كل يوم واقرب لها من بناتها...لكنها للاسف مو مقدره هذا الشي ولاحسبتني زي بناتها...وانا حالفه ماراح اسمي على ابو زوجي....رضت ولابكيفها...

ياناس انا تعبت فيه وولدي...ولي كامل الحق اسميه...خليه يتصرف مع امه..

وترى انا مهمتمه بعيالي اكثر من زوجي وهو لو اخلي عياله عنده والله ماتوا من اهماله....والله مهمل جداااااااااااااااااا...


ريحوني الله يريحكم...