سالفتي محيرتني ومتعبتني عطوني رايكم الله يوفقكم

السلام عليكم ورحمة الله وبركاته

بنات حواء الحبيبات على قلبي

طبعا انا مالي غنى عنكم رغم اني اول مره اشكي لكم حالي.. لاني بجد محتاره وتعبانه وسالفتي مره مارقتني..

أنا يا حبيباتي ساكنه في الدمام قي شقة و متزوجه لي سنتين وعندي بنوته والحين حامل.. واهلي طبعا بمنطقة بعيده عني

السالفة اللي صايره ان زوجي الله يهديه يبي يبني لي ملحق في بيت اهله.. ويبي يسكني معهم بحجة انه يجمع الفلوس بدل الاجار ويبني لنا بيت لحالنا

وانا يوم تقدم لي كان شرطي بيت لوحدي والشرط هذا مدون في العقد.. واهل زوجي طبيبن معي خاصه امه وابوه بس فيهم مكر و اي شي فيه مصلحتهم يسوونه

وزوجي متعلق فيهم لابعد درجه.. وهو اللي يقضي لهم كل شي يبونه رغم انه فيه اخوان غيره مو متزوجين بس هم لاصقين في زوجي وزوجي ما يقول لهم لا ابدااااا

وانا ما امنعه عن اهله ولا فكرت بس احيانا اتضايق لانه يخرب علي شغلي.. لكني ساكته والحين انا خايفه اذا انتقلت للملحق تتغير علاقة اهله معي لاني مسويه حدود وانا طيبه معهم .. غير كذا انا مسكينه ووحيده و اذا حد ظلمني ما اعرف اخذ حقي بس اسكت

حاولت اقنع زوجي ما نروح لكنه مصر وانا اعرف اني ما باخذ راحتي هناك.. و يوم كلمته اني ما اريد انتقل زعل وقال انتي ما تحبين اهلي و سواها لي سالفة.. مدري وش الحل

علما بان بيتنا اللي يبي يبنيه يمكن ياخذ خمس سنين واكثر شوروا علي الله يخليكم و ييسر اموركم ويسعدكم دنيا واخره