الله يرزق كل محرومه بالذريه الصالحه العاجله غير الاجله ...
ويفرحكم هالشهر بالحمل يارب ياكريم ...
يابنات انا ولله الحمد عندي اثنين واللحين حامل ماشاء الله واكتشفت سبب حملي السريع وبغيت افيدكم لعل ان شاء الله يكون السبب فايده لكم مثل مافادني ..
انا من تزوجت وانا ابي الحمل وكنت الح على زوجي نكشف يمكن فيه سبب ورفض وطولت سنه كامله وحملت ببنتي طبعا بعد ماجبتها استخدمت مانع وبعد ماكملت سنتين وقفت المانع وحملت بنفس الشهر على طول وقلت ها خير وبركه مع انه المفروض اخذ مناعه بس الحمد الله على كل حال رزق من الله وبعد ماكمل ولدي ثلاث سنين بالضبط وانا افك المانع على انها بعد تعطيني مناعه بس ولله الحمد بنفس الشهر حملت والحمد الله والشكر قعدت اسولف مع امي ان ربي اكرمني اذا وقفت المانع احمل قالت امي الحمد الله بس انتي يمكن تستخدمين شي مع المانع ركزي وشوفي يمكن احد يستفيد من تجربتك والله من بعد كلام امي وانا احسب وافكر وش الشي اللي استخدمه وطلع اني حملت بنتي وولدي وحملي ذا بالشتاء وانه الشي اللي تاكدت انه السبب الزنجبيل والله يابنات بنتي هوجست كل اللي تزوجو معي ولدو الا انا ودخل الشتاء وزوجي يحب الزنجبيل وكان يشرب الصباح حليب بالزنجبيل وبالمساء شاي بالزنجبيل طبعا انا اشرب معاه هو كان يقولي انه ماكان يشربه قبل الزواج لانه منشط للرجال ويوم تزوج قام يشريه ويشربه انا اشربه معاه بس بالشتاء نكثر منه صباح ومساء وحملت بنتي بنهاية الشتاء سبحان الله وارضعت بنتي سنه ومر علي الشتاء الثاني وانا ارضعها وماشربة زنجبيل مابيه ياثر على الرضاعه والشتاء اللي بعده فطمتها وشربت زنجبيل ويوم فكيت المانع والله ماشفت الدوره حملت بولدي ونفس الشي ارضع وولدي ولاقمت اشرب زنجبيل ويم كمل سنتين وفطمته شربت زنجبيل بس مافكيت المانع ويوم فكيته بنفس الشهر حامل ماشاء الله ..واحب اضيف انه احيانا استخدم مع الدوره وبدون الدوره فلفل ابيض وماش وزنجبيل مطحونين بكميات متساويه ذي اخذتها للتضييق والافرازات بس مو مواظبه عليها بس ممكن تكون سبب ....
اللي ابيكم تستفيدون منه ان الزنجبيل نفعني وان شاء الله ينفعكم وودي لو اسوي بحث عن فوائده بس النت يعلق احيانا عندي وانا اللحين حامل ومالي خلق بس جبرت نفسي ابيكم تستفيدون والله العظيم مادخلت قسمكم وكتبت الا اني بنفعكم ركزو على الزنجبيل وعطو ازواجكم منه وان شاء الله ربي الرزاق انه مايطلع هالشتاء الا وكلكم تبشروني بحملكم ..
وادعولي ان الله يتمم حملي على خير ويرزقني توم اولاد سليمين معافين حسنين الخلق لانقص فيهم ولاعيب ولكم بالمثل انا عندي ثنين بس طمعانه برزق من الله لان زوجي فيه السكر واثر عليه ادعوله بالشفاء وادعو لعيالي بالصلاح .
والله يرزقكم من اوسع ابوابه ياكرييم ...
يمكن كلامي وواجد ومو مفهوم بس احاول انكم تستفيدون من كلامي واللي تبي ستفسار انا حاضره ....
عليكم بالدعاء والاستمرار به ....