سبحان الله بعد اربع سنين ربي رزقها الله يرزقك كل محرومه يارب

السلام عليكم
عندي لكم موضوع وان شالله تستفيدو منو اسال الله العضيم ان يرزقكم بالذريه الصالحه يارب
عندي صحبتي لها اربع سنين متاخره ماحملت ماخلت مكان وبعدين سرت اروح معاها طفشت وسارت تمل اذا رحنا عند دكتوره ومايتم الحمل طبعا انا كنت معاها واشجعها تعبت حبوب وابر تفجيريه ولا في فايده
هيا كان عندها كيس عالمبايض ومددي ايش والله ماادري اش المشكله بالضبط
سالتها ليش مانجيب حرمه تمرخها قالت زوجي مو راضي يقول خرافات وكلام فاضي
قلتلها اعرف وحده اندنوسيه مرختني بنفاسي اش رايك نجيبها ونجرب ماراح نخسر شي
جبناها بشعبان مرختها واعطتها اعشاب زوجها طايح تريقه عليها وهي نفسيتها زفت جا رمضان وماجاتها سوينا تحليل بول مافي شي
وياست قالت الحرمه اذا ماحصل حمل اجي الشهر الجاي لما تجيها الدوره وتمرخها ولان هي اصلا دورتها ماتجي الا كل شهرين بسبب المبايض اتاخرت ماجا العيد الا البنت تعبانه وتستفرغ راحت مستوصف اعطوها ادويه طولت الحاله وقلتلها سوي تحليل طبعا هي مستحيه من زوجها ماتبي تاملو عالفاضي
وفي النهايه سوت تحليل وطلعت حااااااامل الحمدالله بعد اربع سنين ربي رزقها امانه تدعولها ان ربي يثبت حملها ويهديلي ولدي وزوجي
طبعا المقصود من الحكايه انك ماتياسي وتجربي
وماتقولي كلام فاضي كيف جداتنا كانو يتعالجو
امس كلمتها علشان تجي تمرخ خالتي عندها بنت ولها ۹سنين ماحملت الله يرزقها يارب وكل مين تتمني