السلام عليكم
احترت وين أنزل موضوعي ..قلت أنزله هنا واذا كان المكان غير مناسب ممكن نقل الموضوع لمكانه المناسب من قبل الإداره..قبل أبدى بموضوعي أحب أبين نقطه مهمه..موضوعي ليس فيه نقد مبطن أو صريح لأهل الدين فأنا والله أحبهم وأدعوا لهم بالثبات وكل خير فهم حماة المجتمع..لكن موضوعي يخص قله قليله ممن لبسوا ثوب الدين للتغرير بالناس واستغلال حاجاتهم لأغراض ماديه نسأل الله السلامه
ما أطول عليكم ..أخوي الله يشفيه ويشفي مرضى المسلمين مريض بالسرطان قبل اسبوعين كان في تخصصي الرياض علشان جرعة الكيماوي..المرافق معاه كان أخوي الكبير ..الوالد الله يجمعنا به بجنات النعيم متوفي..من نفس المرض..وبعده أخ آخر لي بنفس المرض..الحمد لله على قضاءه وقدره
يقول أخوي في وقت الزياره دخل علينا شخص تبدوا عليه ملامح الصلاح..لحيه ومقصر الثوب..سأل أخوي هذي غرفة الأخ...اسم أخوي ..بعدين قال هداكم الله طفوا التلفزيون..يقول أخوي كنا حاطين العربيه..المهم يقول أخوي ركضت طفيت التلفزيون..جا ابن الحلال قعد جنب اخوي المريض وبدا يقرا عليه باجتهاد لدرجة أخوي يقول حسيته بيدخل جوى ملابسي من كثر ما يسحب فيها ويدخل راسه وينفخ على صدره..المهم يقول أخوي الكبير واثناء القراءه عطاني جواله وقالي اسجل اسمي ورقم جوالي..بس ما عطانا اسمه وجواله..وقال بكره ان شاء الله اجي مره ثانيه اي وقت يعجبكم..يقول أخوي تشكرنا منه وحددنا معاه وقت يجي بكره نفس الوقت..وجا بكره وقرا نفس الشي ولما جا يطلع نادى أخوي وقاله شوف أنا ما أبي أكلف عليكم سعر الزياره الوحده..250 وانا جيتكم مرتين يعني 500 وهذا رقم حسابي بالبنك حولولي المبلغ؟؟؟ واذا تحبون أكمل هذي اسعاري؟؟؟؟
استغفر الله يقول أخوي قلتله جزاك الله خير اسأل المريض وأرد لك خبر
أخوي المريض عوره قلبه يقول سبحان الله هذا اللي فكرت انه يسوي هالشي لوجه الله وهو شايف وضعي وضعفي..والله يقول أنا كنت ناوي أعطيه قبل يطلب بس منعني حالتي اللي كنت فيها لأنه ساءت حالته كثير بعد ما دخل المستشفى
طبعا ابن الحلال قام يرسل رسايل طول اليوم هذا رقم حسابي الرجاء ارسال المبلغ..يقول أخوي والله ما قصدت أتأخر عليه بس لهيت بحالة أخوي والحمد لله المستشفى فيه جهاز صراف حولتله المبلغ وافتكينا منه
يوم قالي أخوي الكبير السالفة انقهرت قسما بالله حسبي الله ونعم الوكيل قلت لاخوي انت غلطان والله ما أعطيه ولا ريال المفروض ما عطيتوه وجه هذا جاي من نفسه ما أحد طلب منه يجي والمفروض أسعاره استغفر الله يقولها للناس قبل يبدا يقرا...بعدين نفسي أفهم على إيش ياخذ فلوس...استغفر الله يتاجر بكلام ربي
ايش رايكم بالشخص اخوي للحين محتفظ بالرسايل بجواله..شر البلية ما يضحك..لا وحاط اسمه بالكامل ..ودي أعرف مين عطاه الحق..مين خلاه يستبيح لنفسه ياخذ أموال الناس بغير وجه حق..أكيد فيه زيه كثير مين جرأهم ..مين نفخهم لدرجة صاروا يعتبرون أنفسهم أدوات الشفاء ..استغفر الله والله من قهري..السالفه لها قريب الشهر الحين بس للحين الحره بقلبي ما انطفت.."ربنا لا تؤاخذنا بما فعله السفهاء منا"
أم ريوم ونانا @am_ryom_onana
عضوة فعالة
يلزم عليك تسجيل الدخول أولًا لكتابة تعليق.
أم ريوم ونانا
•
استغفر الله
والله ماكذبتى وهذا الى صاير واخوكى غلطان مثل الى يشجع الغلط كان قال له انت الى جاى ما احد طلب منك تقرا اعوذ بالله
استغفر الله
ايه والله ياختي أعرف أخوي غلطان وقلتله انت غلطان لانك والي زيك تشجعون هالاشكال استغفر الله
قالي يا اختي والله ما عطيته إلا لأن المريض أخوي الله يشفيه..قالي عطه ما أبي يكون متفضل علي بشي لو بالقراءة..
ايه والله ياختي أعرف أخوي غلطان وقلتله انت غلطان لانك والي زيك تشجعون هالاشكال استغفر الله
قالي يا اختي والله ما عطيته إلا لأن المريض أخوي الله يشفيه..قالي عطه ما أبي يكون متفضل علي بشي لو بالقراءة..
الصفحة الأخيرة