ست ستـــوآآآت من العناء ! ! !‎

في البداية حبيت تكون قصتي عضه وعبرة لكل متأخرة في الحمل راح اتكلم من اول يوم تزوجت من قريب لي بس من اول ما سمعت الحريم الخطبة قامو يتكلمون كأني ما استاهل (ياحظ فلانة حظها هو احسن اخوانه . احسنهم اخلاق....الخ) بعد اسبوع من الزواج بدأت رحلة العذاب نزل معي دم ثم اطهر يومين وهكذا بديت انحرج من زوجي توني عروس غبيت عن امي لانكم عارفين وقت محرج خفت تسألني امي وش سوا زوجك وانحرج المهم بعد شهرين صارت تتأخر اربعين يوم ثم تنزل شهر انحرجت قدام زوجي حتى مرة قالي يمزح (انتي كل ايامك دورة ) قال لي مرة لما تأخرت الدورة يمكن حامل قلت ان شاءالله ما احمل الابعد خمس سنوات ما كنت اعرف ان الدعوة استجابت اول رمضان مر علي افطرت ثمانية عشر يوم لما عرفت امي قالت لازم دكتورة رحنا لدكتورة منى ريس في الشبلان اعطتني منظم وقالت نزلي وزنك المهم استخدمت المنظم بعد شهرين رحت موعد سألتي تبغين تحملين قلت طبعا" مع العلم ما بعد مر على زواجي سنة اعطتني كلوميد اول شهر فشل الحمدالله وثاني شهر وثالث وهكذا بدا القلق لان كل مرة اسمع فلانة حامل وهي متزوجة معك وغيرة تقريبا" كل الي تزوجوا معي حملوا صارت امي واخواتي يغبون علي حاولت الهي نفسي لاني ادرس ولاقية عذر بس نسيت اقول ان تكاليف العلاج علي من المكأفئة لان زوجي منعني من العلاج وراتبة على الايجار والاكل يقول بدري قلت لاتخاف انا بدفع المهم بعد كم شهر ما نفعت الحبوب حولت لابر مجموع التكلفة الف وكلة اقول مو مهم البس واشتري المهم ربي يرزقني بطفل يملأحياتي مع الابر صرت اجرب الشعبي وتكلفة بلا منفعة واحدة تقول ميلان وحدة ضعف ..............قلت في نفسي بقى القران لازم اروح لواحد يقراعلي مع العلم كنت صغيرة ماكنت اعرف الاستغفار ولاصلاة الليل المهم بعد ماتعبت مع الدكتورة منى قالت جلاص مافية امل راح ارسلك لدكتور الصفيان في الحبيب نسيت اقول زوجي سوا تحليل وصار طبيعي رحت للصفيان وصار متزوجة سنة ونصف بس طلب اعمل الصبغة سويتها صارت الانابيب مفتوحة قال لو ما صار حمل على طول انابيب بس قال راجعيني في عيادة جنين (ذرية حاليا")بديت اول عملية كنت احسب من اول محاولة راح تنجح حددنا ورحنا للعيادة وبديت في المنشطات وحددو العملية سويتها رجعت البيت وارتحت خذت في بالي اني حامل بعد اسوعين قبل التحليل بيوم لما صحيت الصبح لقيت نزل دم اسود رحت سويت التحليل انتظرت على امل كبير اني حامل نزل الخبر كالصاعقة النتيجة سلبية طلعت وانا ساكتة لما رحت بيت اهلي وشفت امي واخواتي بكيت حتى طلع الي في قلبي وامي تقول توك صغيرة وش تبغين بالعيال استمتعي بس انا غرت كل الي معي تزوجو ولدو بعد كم شهر فكرت اعيد التجربة والتجأالى **** وادعي ربي اترك الملهيات مثل السهر على التلفزيون وغيرة بس قررت اني اذا سويت انابيب وحسيت بألم الدورة ما احلل خلاص اترك المثبتات وهذي غلطت حياتي وفشلت الثانية واثالثة والرابعة وكلها على المكأفة وابوي **** يخلية لي و**** كنت انحرج بس وش اسوي مع العلم اني في الاخير اترك المثبت اذا حسيت بألم وصدري متورم ماكنت اعرف انها من علامات الحمل المهم خامس تجربة رحت ابكلم الدكتور قال حللتي قلت لا بس انا موحامل قال لالزم تحليل قلت عادي اكتشفت لما دخلت على الدكتور بعد التحليل اني حامل بس حمل ضعيف يقول انغرس في اليوم ثلاثة عشر من ترجيع الاجنة بس قال ارتاحي وخذي مثبت لو وقف الدم راح يستمر راح استمر راح الحمل زاد الم وبعدين شفتة طاح مثل الفاصوليا البيضاء ما زعلت بالعكس كنت فرحانة فتح لي امل جديد اني اسوي الانابيب مرة ثانية رحت بعد شهرين اعيد التجربة بس لازم احلل بعد اربعة عشر يوم مثل كلام الدكتور رحت والمرة هذي متأفلة قالو الصفيان غير موجود فية واحد جديد قلت لا خلاص قالت بالعكس الشهراني ممتاز كان في التخصصي وهو طالب للصفيان نصحني زوجي قال غيري مو انتي تقولين تعقدت من صوت الصفيان غيرته دخلت علية لقيتة يبعث على التفائل يمزح وفي اسلوبة تقولين خلاص ابحمل قال راح نبدا قبل الانابيب اسبرين وفوليك قلت كويس هذي طريقة جديدة في هذي الفترة توظفت وزانت نفسيتي لما اسمع وحدة حملت اقو لاانا احسن منها متوظفة والوظيفة اهم يعني ابرد على نفسي في الفترة هذي بديت اسمع كلام جارح من اهل زوجي من الناس ولو كان عن طريق المزح سويت الانابيب للمرة السادسة وكنت اروح للدوام وعادي وكل مرة اروح لدورة المياة اخاف ينزل دم جاء موعد التحليل بس حللت قال الدكتور للأسف مافية حمل قلت ما نزل شي قال من قوة المثبتات من غير ما ادري بكيت عند الدكتور ودمعت عيون زوجي (بس اول مرة ادعي من قلبي(اللهم اجرني في مصيبتي واخلفني خير منها)على طول قالي الدكتور انا ادرس طريقة جديدة وقلت اول خمس مراجعات راح اسويها بنصف المبلغ وراح اكتبها في الملف قلت انتظر بعد اربع شهور قلت قلت لازم اعيدة وربي إن شاء الله بيرزقني جاني امل اني ابحمل لانة طريقة جديدة وانا دعيت ربي من كل قلبي دخلت العملية جاء يوم الترجيع قال الدكتور وهو فرحان حصلنا اربعة اجنة من الدرجة الاولى ما فرحت قلت دايم كذا ومانجحت اول مرة اتكلم واقول اثنين يكفون و لوما انجحت او **** يخلف قال لا ابرجع اربعة ونتكل على **** رجع مشيت حياتي عادي وداومت في اليوم العاشر في من الترجيع نزل دم بني كلمت الدكتور قال كويس زيدي التحميلات جاء يوم التحليل اقلمت نفسي اني ما ازعل اذا فشلت المهم جت السيستر ونادتني وطلبت دم وبول المهم اذن المغرب قلت ابروح اتوضا واصلي شفت السيستر وقالت انتي .........قلت اية انا قالت انتي حامل بس لاتقولين الاحد حتى يطلع تحليل الحمل انتظرت في الاستراحة وما قلت لزوجي خفت يأخذ امل وينصدم قلت يكفي انا انتظرت كانت ساعتين مثل سنتين في لحظة ما راح انساها طول عمري شفت الدكتور معه ملفي ينادي باسمي عند الحريم عمر الدكتور هذا ما طلع من مكتبة قالي انتي حامل قلت انا قال اية وشكلة توأم الان التحليل الرقمي عالي فرحت وبشرت امي وابوي واهل زوجي بس المفأجة بعد اسبوعين نزل مخاط بني قال زيدي المثبت وتعالي رحت وكان اسوا يوم في حياتي لما قال الدكتور انتي حامل بثلات تؤام فرحت بس شكل الدكتور مو فرحان قال لازم ننزل واحد ولو تركتيهم اما تولدين في الخامس او يولدون معاقين او عميان والاحتمال الي نزل علي كالصاعقة انة احتمال لو نزل واحد يمكن ينزلون كل الاثنين واحتمال ضعيف يستمر الحمل قلت يارب بعد كل هذا بينزل الحمل انتظار ست سنوات قال الدكتور الاختيار بيدك اذاقررتي دقي علشان نحدد وقت العملية قال زوجي توكلي علي **** احسن ماتجبين عيال احسن من تجيبين اطفال معاقين استخرت ودعيت ودقيت على الدكتور ودخلت العملية ودمعتي على خدي ياربي بعد ما رزقتني ابنزل واحد صحيت بعد العملية بعد ما دخلت الحمام انهرت بالبكاء بعد ما شفت الدم قلت خلاص خسرتهم قال الدكتور بعد اسبوعين نسوي اشعه جاني الم عملية مهيب سهلة فتح فيها الرحم المهم نمت عند اهلي في غرفة الحالي انا ما ابغا احد ولا اكلم احد ولااناظر التلفزيون ولا اكلم احد مرة اسبوعين رحت سويت اشعة قال كل شي على مايرام قلت ابرجع بيتي واروح للدوام مع العلم ممنوعه من الجماع عادي المهم يستمر الحمل بعد يومين جاني الم في بطني مسكت القران وحطيت يدي على بطني وقريت ودعيت ونمت لما صحيت الصبح لقيت دم اسود كثير طلع مني رحت صحيت زوجي ورحت لمستشفى قريب من بيتي لما دخلت كشفت قالت الرحم مسكر وسويت اشعة قالت ماشاء **** اثنين قلت هم موجودين قالت اية بس ارتاحي على ظهرك بعد يومين رحت لموعدي قال الدكتور الشهراني الوضع جيد بس انتي بعد سحب الجنين نمتي على ظهرك ما تحركتي تجمع دم الجنين الي نزلناه المهم استمريت على المثبتات والراحة التامة وصلت الخامس طلعت مشكلة ثانية عنق الرحم صار قصير واحتمال ولادة مبكرة صرنا نتابع في العيادة مرة يطول مرة يقصر على حسب وضع الاجنة نصحني الدكتور اروح مستشفي حكومي علشان الحضانات لو ولدت في السابع فتحت في مدينة الملك فهد الطبية انقبلت بتوصية من الدكتور لما جاء الموعد المرتقب رحت سويت اشعة خافت السيستر حسيت فية شي قلت فية شي قالت انتظري انادي الدكتورة جت قالت يامدام عنق الرحم واحد راح يفتح لازم تنويم دجلت وتنومت وكل اسبوع نقوس عنق الرحم مرة زاد مرة نقص طلعت مشكلة ثانية لقو سكر حمل خافو يتضخم الاجنة اعطوني انيسولين يعني وصلللت الثامن ما استمتعت بالحملنمت في المستشفي ما كنت احس بالملل لاني اتمنى اوصل التاسعاهم من اني انبسط ويعيشون في نصف الثامن اعطوني صورة للدجنة اول ما شفتها بكيت قلت كذا الي في بطني الي صبرت الين صار طفل شفته من كان نقطة في الترجيع حطيتها تحت الوسادة استنا زوجي ودي يشاركني يشوفهم اطفال في بطني زاد تعلقي بهم وفي يوم من الايام في اليل جتني دكتورة سالتني انتي تعبانة قلت لا قالت واحدمن الاجنة تعبان دقات قلبة ضعيفة بنزلك للعناية بكيت قلت ما احس قالت تعبان نزلت جلست يوم في العناية جاء دكتور قال كل شي كويس قلت الحمد**** جلست اسبوع دخلت التاسع واخيرا" حددولي موعد الولادة بس ربي كتب اني اولد قبل الموعد اسبوع وجبت احلى ولدين بعد انتظار ست سنوات لما قالو قيصرية ما اهتميت المهم يعيشون وانا فيني الطلق قامو يستنون الدكتور جلست اصيح حرام عليكم بيميتون اذا ماطلعو قال دكتورسعودي **** يجزاة خير خلاص يا ............ان شاء الله بتولدين وتطلعين ما مليت منا علشاني طولت وكانت اجمل لحظة لما سمعت صوت الطفل الاول ثم الثاني والحمد**** على سلامة عيالي ثم انا وانتهت رحلة طويلة كل شهر انصدم عند المراجعة والحمد****