اهنئكم أخواتي بأيام العشر المباركة
كروشات منتدى حواء الغالي أنا عن نفسي أحسني ضيعت جنيني من يم الأكل أول ماهو الوحام وبعده أكل الحلويات والتخبص
وش رايكن ياغاليات بالمولود يجي نحيف وللا دبدوب ؟؟مثل هالقمر
إذا الإجابه الثانيه
ياللا هجوم على الأكل
انا راح ادون لكم وجبات صحيه خفيفه من عندي وإذا بغيتوا تبدلوها بأفضل من عندكم بشرط تكون صحيه
بسم الله توكلنا على الله
وجبة الإفطار
بيضه
جبنه بيضاء
طبق فول أو زيتون
كوب حليب
رغيف خبز والأفضل أسمر
وجبة الغداء
أي نوع من اللحوم والأفضل أكل السمك مرتين بالأسبوع أنا عن نفسي ما أتوقع بس اللي يحبونه
سلطه مشكله
طبق رز أو مكرونه
بعد الغداء ب3ساعات فواكه مشكله او أي نوع من الفواكه
العشاء
صينية خضار مشكله
شوربه ,,, وكل يوم شكل وافيد شي شوربة العدس
وإذا سهرتي إنتي وابو الشباب يازين كوب العصير الطازج المشكل تشربونه مع بعض وبالعافيه يارب
ونسيت لا أقولكم نقطه مهمه
شرب الماء الصحي المعقم
والحرص على غسل وتنظيف الفواكه والخضار قبل أكلها
وأدري كل هالأشياء ماتجهلونها بس حبيت نفيد ونستفيد ونشجع بعضنا
وياليت إذا عجبكم الموضوع وتقدرون ترفعونه بوجبة صحيه كليتوها لو تسجلون وحده باليوم موشرط كل الوجبات ولاتنسوني من دعواتكم بظهر الغيب
محبتكم
سموحه
الله أكبر الله أكبر الله أكبر ولله الحمد