سر خطير .. تعالي اقولك اياه

السلام عليكم ..
كيفك الحال ... ان شاء الله الكل مبسووط
خووووواتي ... يمكن اول موضوع لي اليوم
ويمكنتوي مسجله ..وعلى طول كتبت موضوع
لاني من زمان اقرى لكم هنا .. ولولا ثقتي با انكم تقدرون تعطوني الاسباب او تخففون علي كان ما فكرت اشترك
عزيزاتي ....
سالفتي بااختصار ..
قبل 3 سنوات كنت بالثانويه العامه .. يعني هذي المرحله او من هذي المرحله تبدا البنات تتخطب وكذا
كان الكل يشوفني يعجب فيني .. ما ادخل محل الا وانا محط للانظار .. يسألون عني .. يبحثون عني ياخذون ارقامنا .. والنتيجه ما فيه احد يتصل ولا يخطب .. غريبه صح
ماكان فكرة الزواج في بالي .. وكنت اقول صغيره حتى اللي شافني واعجب فيني يوم سأل عني وقالوا له عمري اصتصغرني
المهم .. اللحين صار لي 3 سنوات على نفس ذا الموال ..
تدروون وصلت لمرحله بين قرايبنا وحمولتنا .. يسموني اني ملكه جمال القبيله وكذا
وصلت شهرتي لهذي المرحله ..من ناحيه الاخلاق واناما ازكي نفسي بس الكل يمدح ويشكر فيني...
بعد عندنا حنا شرط وهو مستوى الاسره مو المادي الا القبيلي وكذا وانتو عارفين الحمد الله امي من احسن العوائل وابوي نفس الموضوع .. منصب ابوي وامي عالي
المهم مافيه اي حاجه تنقصني ..
انا كنت افكر بالموضوع وش معنا الناس تسأل عني والكل يتمناني ولا احد يخطب وبسرررعه يغيب عني وارجع اسلى ومتأكده مليون بالميه انا الزواج نصيب ومكتوب من رب العالمين
طبعا انا اختصرت لكم ولا فيهمواقف تمر على امي وخالتي .. مثلا كنا حنا في عزيمه انا بغرفه مع البناتوالحريم بغرفه ... تسولف امي عنيوانا شوي اسمي غريب فاقليل فيه بنات زي اسمي .. نطت وحده وقالت لها انتي ام فلانه الفلاني قالت له ايه ..
جت الحرمه لغرفه البنات تسلم علي وقال بنتي معك تدرس وتمدح فيكوتحبك وكذا .. انا عادي مر الموضوع علي
راحت لمي تحكي عنولدها وكذا وانه وانه وعنده وماعنده واخذت رقم ابوي ... ولا حصل شي
موقف من مواقف خالتي اني رايحه معها زواج مع اخوات زوجها المتزوجات ..
رجعت معهم ولما نزلت لبتنا وصلوني لبيت .. صرخت وحده من خوات زوج خالتي وكأنها تستناني اطلع .. تقولها فلانه اللي لابسه كذا اخذت رقمكم مني .. وفلانه بنت فلان نفس الشي ..
والغريب بعددد انا وحده من 3 سنوات وهي كل مناسبه تسأل عني
شكلي طووولت عليكم
خلاصه الموضوع .. انو خالتي من فتره قالت يافلانه ماتلاحظين كلن منجن عليك ولا احد يخطب
وامي بعد قبل امس وهو اللي دفعني اني اكتب لكم .. حسيت ذا الموضوع بدى يضيق صدرها .. وكذا قالت لي بالحرف وهي ماتردده فلانه انا مستغربهمن شي صدق انا قسمه ونصيب ورزقك من ربي ووو بس موقف فلانهوعلانه وعلنتانه ظنك وش السالفه
مع انا امي متدينه ومتاكده انا متيقنه ومتاكده انا رزقي من الله ومكتوب
عشان كذا يابنات ..
ظنكم وش الاسباب ورى ذا اللي يصير لي
عين ؟ حسد ؟؟ ولا وشووو ودي اللقا له تفسير
ياليت انكم تفيدوني ارجوكم
وبعد طالبتكم تدعووون لي بان الله يحل عقدتي ويرزقني بالزوج الصالح
وجزاكم الله خيرا