ســــاعدو ني يا بنااات جده >محلات تبيع دراعات (جلابيات) للحريم الكبار

ياهلا وغلا فيك بينا في جدة
الله يعينك على الحر والرطوبة
المهم حبيبتي
في سوق واحد حتلاقي كل طلباتك
يعني الاسواق عندنا بجدة صارت متكاملة فيها ملابس رجال واطفال وبنوتات وحريم كبار
انصحك بمجمع العرب ورد سي مول والاندلس مول وجدة مول هذي الاسواق المفضلة لدي ودايم احصل اللي ابغاه فيها
توصلون بالسلامة حبي

اختي انا من الرياض لكن سمعت ان في سوق اسمه سوق الميناء فيه كل شي حلو ومميز لكن ما ادري هل صحيح ولا لا
اتمنى بنات جده يفيدوك

تنوري جدة ياعسل .. وانا كمان اقولك ردسي مول ومجمع العرب وتلاقي فيهم كل شي وانا حارسلك عالخاص أرقام بوتيكات اسعارهم متوسطه وان شاء الله حتلاقي عندهم اشياء حلوة ...
وبالنسبة لسوق المينا هادا سوق شعبي وتلاقي فيه الاشياء اللي تزيد في المحلات بس مايستاهل المشوار ولا الدوخه لأنو في اخر جدة ويبغالك احد يفهم فيه كويس وهو نظام بسطات ومحلات ,, انت خليكي على الاسواق اللي قلتلك عليها احسن لك .. وموفقه يارب

فيه شي حلو بجده واسعاره بلاش
اسواق صاري
خاصه القوافي وتاج توج
بلآآآش
وروعه لبسهم تقليد ماركات