سفرزوجي ؟

:27:
سلام عسولات؟ابي حل لمشكلتي زوجي عمره 25سنةقبل ما اتزوجه يحب يسافرلسوريا بعدالزواج يسافر كل 6شهور وبعدين
حملت وجلست عند اهلي وصار يسافر كل 3شهور <زوجي يشتغل اعمال حرة >وبعدين حملت ببنتي وولدت
صار بيننا زعل تقريبا ابنعدت عنه سنتين يعني تخيلوا من تزوجته صارلي 6سنين ماطولت معه دايم زعل<تحريض
من امه لان اخوي متزوج اخته اي شي يصير بينهم بحط الحرة فيني>والحين رجعتله احس كني عروس قلت
الحين بيتغير لان تصافت النفوس بيني وبين خالتي ماراح تفرق بيني وبين زوجي .رجعت لزوجي في رمضان اللي
طاف زوجي عسل يدلعني وطيب بعدالعيدفاجئني قال بسافر عطاني مصرف وارضاني وسافر بس
المشكلةموكذا لما رجعلي صاريقعدعندي اسبوعين ويسافرلسوريا يقعد20يوم يعطيني 500ريال يقولي تحمدي ربك عليها يعصب علي لاقلتله زيدني ماتكفيني ويقولي لاسافرت لاتدقين علي مراح اردعليك ويقفل جواله برقم سري وانا تعبت هاوشت لاقلت بزعل عنداهلي عادي عنده يدري اني ابيه ماابي اتطلق رضيت بالواقع اخذ500واقعد عنداهلي لما يرجع ارجعله واقعدعنده اسبوعين وارجع وعل الحال هذا كل الحريم ليش زوجك مايقعدعندك وامه واخته يقولون ولدنا ماكان كذا شفيه كل اسبوعين يسافر ؟كلهم اكيدفي حرمة ساحرته بسوريا طمعانة بحلاله اخوي مرات يسافرمعه يقولي والله زوجك يصرف 10الاف ب20يوم منين هذي الفلوس كل شهر10الاف؟ شسوي ياحريم لاقعدت معه يقولي كلام حلو بس صراحة احس يجاملني مايبي يكسر بخاطري شايفني مشتاقتله مع انه متزوجين عن حب وانا ماامدح نفسي حلوة بس ابي الحياة تمشي عشان ولدي ووبنتي.ولدي دايم يقولي بابا ليه يسافر يحن لابوه؟وزوجي يبرر سفره عمل وشنطة سفره مايخليني اشوفها يعني انه يحترمني ؟:44:شسوي غير الدعاء بليل والاستغفارابي يقعدمايسافر تظنون زوجي مسحور؟شلون اعرف انه مومسحور؟اخواني يسافرون بس مو زيه؟