سقوط اسنان و دمار العلاقة الزوجية

الاسنان لما تطلع تجلس سنين لين ما تكتمل وتطلع حلوة زي اللولو ونتعب عشان نحافظ على جمالها واول ما تطيح فجأة تترك الم رهيب وراها الم السنين اللي قضيناها نتألم في كل سن عشان يطلع واحد واحد ولما تطيح كلها بوقت واحد يعني وضع كامل راح يتغير راح تحزني من جوا على شكلك الجديد وراح تحاولي تلاقي لو تركيبه تركبيها تغطي اللي صار
زي العلاقة الزوجية نتعب فيها ولما تنهد فجأة نقول يا خسارة السنين اللي ضيعناها نبني بدمنا وقلبنا وتترك الاسنان لثة ملتهبة من الالم زي ما تترك العلاقه قلب ملتهب متألم من الصدمة ونضيع نبغى حل كيف نقدر نكمل بدون السنين اللي تعطينا الدعم عشان نستمر في هذي العلاقه

كل اللي كاتباه طالع من قلبي لاني مؤخرا انصدمت في الانسان اللي مستحيل اني اتوقع منه اللي سواه (زوجي) ابو اولادي

اذا في يوم لقيت الوحدة زوجها بيحاول يتعرف على وحدة قدامها وهي جالسه جنبه وشايفه ابتساماته ونظراته لغيرها وبرضو انا لسه جالسة جنبه والبنت كانت متجاوبة وهي اللي بدأت تجذبه بحركاتها بس ماله عذر محد يجبر احد على شي ما يبغاه

اضطرريت اسكت عشان المكان اللي كنا فيه مكان عام وماحبيت اسبب مشاكل

ولما واجهته انكرر كل شي وقلب الموضوع علي

والحل كيف اقدر اكمل معاه وقلبي يقول هذا اللي قدامك كيف اللي من وراكي

عموما حبيت اطرح تجربتي عشان تفيدوني وغيري تستفيد

ارجو انكم تساعدوني ايش اسوووووووووي

والسلام عليكم ورحمة الله وبركاته