سلفاتي سوو فيه حركه اسمعو السالفة وقولولي يقصدوني في ذي الحركة(استوفى حقه من الرد

السلام عليكم ،،،،، مالي في المقدمات الطويله أبد أبد ابدخل في السالفة على طول الله يسلمكم. من زمان وأنا وزوجي مقررين نسوي غرفه لعيالنا وكل مره نأجل الموضوع لين جاء حافز واصريت على زوجي نسوي الغرفة وكلمت أخوات زوجي لقتلهم إحنا بنسوي غرفه لعيالنا ونغير في البيت وبدينا نشتغل في البيت إلى زوجي يقول أخويه بيسوي غرفه لعياله وسكت انا وشلنا الأغراض اللي ما نبغاها من البيت واعطينا أهله جلسه غرفه بحكم أنها جديده وأخذوها وزوج سلفتي شاف زوجي وإخوانه يشيلون في الأغراض وشكل اخوه راح كلم زوجته وقال لها انو إحنا بنسوي غرفه لعيالنا ...... وأنا أخذت اغراضي وشنطتي ورحت عند أهلي لين يخلص البيت وأنا عند أهلي افتح الووتس القي سلفتي كاتبه (يغارو مني وينتقدوني لكنهم يقلدوني ) حسيت أنها تقصدني بي التوبك حقها ...... وبعد فتره يوم كانو العمال شغالين في البويه كان زوجي يدق عليه ويجي يأخذني أشوف البويه ويوم رحت وقابلنا زوجها في الدرج وراح بيته وشكلها عرفت انو انا جيت بيتي أشوف البويه ورجعت بيت أهلي ولمن رجعت فتحت الووتس واحنا مسوين قروب كل بنات العيله فيه وقاعدين يسولفون هيه وسلفتي اللي شقتها جنبي (إحنا كلنا في عمره وحده شقق) قواعده تقول لها جاتك اليوم( وحاطه صوره الفيس اللي في الووتس اللي زي الشبح ابيض وماد لسانه )هههههه قالت لها مفهمت عليك ايش قصدك قالت النكتة قالت لها ايوه ايوه ..ايوه جات ...وردت عليها ايش رأيك في التشبيه مو زيهامو مناسب لها ..قالت لها ايوه زيها مناسب لها مره حسيت أنهم يقصدوني في المحادثة هذي كلها وهما ترى ذولا اثنتين فيهم غيره مو طبيعيه ..... وبس يا الله قولو رأيكم هل تقصدني في التوبك ويقصد وني في المحادثة على الووتس انا قولت لاخواتي قالو يقصدونك انتم ايش رأيكم