سلفتي

بنات بصراحه امس قريت موضوع وحده هنا تتكلم عند سلفتها تقول تتامر علي كاني بنتها
وشفت اجابتكم كيف نصحتوها ووجهتوها للصح
فتشجعت اكتب موضوعي دائما اتردد من كتابته
انا تزوجت شخص يقرب لي وسكنت عندهم بالبيت بسبب الظروف ما تسمح نسكن لحالنا
وبنفس الوقت سلفتي ساكنه عندهم بنفس البيت
كل وحده لها غرفه
والله يا بنات احبها بس تصرفاتها تبعدها عني
ومن سكنت عندهم وهي تحب تتحكم في في كل شي في البدايه كنت لسى عروس وغريبه جايه من بلد ثاني كنت اسكت لها بس بعدين طفح الكيل كل مرة تتمادى اكثر وانا ما كنت ارد عليها احتراما لام زوجي تقرب لي بس ما تقرب لسلفتي كنت اسكت احتراما لها
بس في مرة ام زوجي كانت مو موجوده بالبيت وبدت تتكلم وانا استغليت غايب ام زوجي ووقفتها عند حدها بسبب التحكم
بس حسيتها حقدت علي
بس المشكله الثانيه ما عرفت احلها وهي انها دائما تتكلم على زوجي وتراقب كل شي يسويه وتجي تقول لي
هي عندها سناب وتشوف كل شي ينزله زوجي تجي تقول لي انا ما احب السناب بس احيان اقول بنزله علشان لقالت لي شي يخص زوجي اقول لها اعرف
بس ما ودي استحمل شي ما احبه علشانها
بقول لكم كم موقف علشان تعرفون اش الي اقصده بالضبط
في مرة عندنا حريم زايرات يقربن لنا سالني وين يشتغل زوجك قلت لهن اسم المدينه
قاطعتني هي وقالت لا مو هنا يشتغل يشتغل في مكان ثاني وجابت اسم المنطقه
انا قلت المدينه ما قلت وين فيها بالضبط
بس يوم قالت اسم المنطقه قلت لها ايوا بس هذي المنطقه في المدينه الي قلتها قالت لا مو فيها مكان ثاني
طيب هو زوجي وانا اعرف وين يشتغل
انا سكت عيب عندنا حريم


وقبل فترة هم سكنوا لحالهم قلت انتهت المشاكل
بس مافي فائده جاءت يوم خميس زيارة عندنا
وكلم زوجي حسيت انه تعبان قلت اش فيك قال لجيت بقول لك
وقعدنا شوي انا وهي في مجلس الحريم
واسمع صوت زوجي ودخل على طول للغرفه مو عوايده دايما يدخل ويسلم على امه ويقعد شوي وبعدين يدخل
دخلت اخت زوجي عادها بنت عندنا تقول لي اش في فلاان تقصد زوجي قلت لها وش فيه قالت شكله تعبان ودخل للغرفه
قمت على طول دخلت لعنده اشوف وش به قعدت شوي عنده
بس يوم رجعت اتعشى معهم الا تنط سلفتي تقول لي ليش قمتي يوم قالت لك ان زوجك تعبان😡 تخيلوا لوين وصلت الدخلات زوجي وانا حرة متى ما بقوم عنده هي اش دخلها
وفي مواقف غيرها واااجد تراقب زوجي في ريحاته وجياته
تتوقعون وش السبب
اعرف الموضوع طويل بس حبيت احطكم بالصورة
علشان تعرفون توجهوني
اعتبروني اختكم