سلفتي بتحكي مع زوجي وانا ولا كأنو موجودة

هذا يا بنات الي سلفة اللي هي زوجة اخو زوجي .. هي اصغر مني بكم سنة بس اتزوجت هي قبلي لانهم مابيدرسوا جامعات ..
كتبت فيها موضوع مرة في المنتدى وحكيت انها بتغار مني كتير والاسباب كثيرة .. وحكيت كمان انها لما نروح عندهم او هما ييجوا عندنا بتوجه جميع الكلام والاسئلة لزوجي .. و لا كأني موجودة .. والله علاقتي فيها جيدة وماصارت بيننا خلافات الا مرة واحدة وعلى هذا الموضوع .. مرة كلمتها تليفون و عزمتها تيجي لعندنا .. قالت : لا ماراح نقدر نيجي
قلت : ليش ؟؟؟ قالت : اعطيني اكلم زوجك !!!!!!!!!!!!!!!!!!!!!!!!
قلت : ليش بدك اياه ؟؟ .. قالت : بس انت اعطيني اياه !!!!!!!!!!!!!!!!!
وفعلا ناديت زوجي .. وانا متل النار .. وكلمها و قالت الو السبب اللي ماراح يقدروا ييجوا عشانه !!!!!!!!!
ولما خلصو كلام .. وسكروا التليفون .. اتصلت فيها ولاول مرة احكي او اوضح اني زعلانة .. وحكيت الها انو ليش مابتحكي معي انا ؟؟؟ مش انا اللي اتصلت وانا اللي بحكي معك ؟؟؟
هي سكتت وماردت ولاااااااااااااااا كلمة من المفاجأة .. واستغربت وحكتلي انها مابتقصد وووووو
ووصل الموضوع للرجال و كلمني زوجها وفهم مني ليش انا زعلانة وصالحونا بسهولة
هذا الموضوع مش اول ولا اخر مرة ينعمل ... يعني مازالت توجه كل كلامها لزوجي
انا محترمة ومحجبة بس القعدات المختلطة بتكون فقط مع اخو زوجي ومضطرة على هالشيء ..
بعد بكرة عازمينهم على الفطور .. ولاول مرة اشعر اني متضااااااايقة من شوفتها .. بشعر حالي ولا شيء لما توجه كل الكلام لزوجي .. بصير متل الهبلة مابحكي ولا كلمة والزعل مبين علي
راح تحكولي طنشي .. طنشت كتيييييييير .. بس زهقت .. طفشت من هالاسلوب
والله ماجاي على بالي استقبلهم ولا اعمل فطور حتى ..
انا عاهدت نفسي اني مااحمل كره لحدا .. واسامح .. انا مسامحة بس مش قادرة احبها او حتى مااكرهها .. انا مابكرهها بس مابحب شوفتها .. وصل فيها الموضوع تسأل زوجي : مين مشط شعر بنتك ؟؟
مش المفروض هالسؤال تسألني اياه انا ؟؟؟
صدقوني المواقف كتيييييرة ..وانا كلمت زوجي ونبهته انها هي بتوجه الكلام اله .. هو انكر وحكالي انت ظالماها .. هي بتوجه الكلام للكل !!!!!!!!!!!!!!!!!!!!!!!!!!!!!!!!!!!!!!!!
وانا كان رأيي انو زوجي يرد عليها بطريقة يحترم وجودي فيها .. بس مانفذ ولا اقتنع
لكن شكلي راح اكبر الموضوع وما اسكت اذا كررتها مرة تانية .. لازم اعمل شيء يوقفها عند حدها
بس مش عارفة شووووووووووو اعمل؟؟؟ ارتفع ضغطي منها