السلام عليكم ورحمة الله وبركاته ...
انا عضوه جديده بهذا المنتدى واول مره اشارك فيه ولعل وعسى القى حل عندكم ياخواتي ... لاني تعبانه مرررررررررررره ونفسيتي دمار وراح ادخل لكم على طول بمشكلتي اللي مالقيت لها حل ابدا واتمنى تساعدوني حبيباتي ... انا متزوجه والحمدالله مستقره وماعندي اولاد وصار على زواجي كم شهر ... احب زوجي واحترمه ويبادلني الشعور واغار عليه مثل اي زوجه تخاف على زوجها ولكن بحدود .... زوجي طيب وحبوب وخفيف دم وراعي مزح وسلفتي اللي هي ( مرة اخو زوجي ) عيونها عليه ودايم تسال عنه ... وتحاول تحتك فيه ( على فكره زوجها ثقيل دم مره ) وغير كذا ماتتغطى عن زوجي ولا عن اخوانه تجلس متحجبه وانا اتغطى الحمدالله ... توني متزوجه وتغار مني غيره جنونيه يابنات ماعمري شفت مثلها وابشركم تغار على زوجي مني شرايكم ؟؟؟ دايم تسألني ايش يسوي لك فلان و24 ساعه معي في البلاك بيري تسالني فلان عندك فلان متى يرجع من الدوام ... وينك ردي علي ؟ ... نمتي مع فلان ؟؟ مابقا الا تنام بيني وبين زوجي ... واذا طلعت انا وزوجي لمكان يتصل علينا زوجها يدور زوجي وزوجي يقول انا طالع مع زوجتي للمكان الفلاني وعلى طول زوجها يروح يقولها فلانه طالعه وتجي تغثني بالمسجات وتقولي ليش تطلعين وماتعلميني واحيانا ترسل زوجها عشان يعرف احنا وين طالعين يعني يجس نبض اخوه يشوفه هو عندي او لا ... يغارون مننا هي وزوجها ويحاول يشغل زوجي واحنا تونا معاريس يقوله تعال معنا واتركها واسهر معنا يخرب على زوجي ... بعد ماشبع من زوجته ومل منها وجابو اولاد وصارو كم سنه مع بعض .... منكدين حياتي هي وزوجها .... وغير كذا عيونهاااا على زوجي تتحراه يجي لبيت خالتي اللي هي ام زوجي تنبسط لما تشوفه وتحاول تمزح معه وتسولف معه وهو مطنشها بعد ماناقشته وقلت له انا اغار عليك ومابيك تعطيها وجه لانها وقحه ومو عاجبها زوجها ... لكن غصب تحتك فيه تدور اي موضوع واذا كنت جالسه مع زوجي تطنشني وتقوله يافلان اسمع النكته الفلانيه ولا وش رايك بالموضوع الفلاني وتظحك معه وانا كاني جدار عندها ماتعرف تكلمني انا وتترك الرجال بحاله ... ودايم تقارن زوجي بزوجها وتتحسدني مو عاجبها رجلها ابدا .. ومن غيرتها تقول انتي مايطفش منك زوجك ولا يملك ليش ( احنا تونا معاريس مامداه يمل مني او يطفش ) والله عيب عليها تقارن نفسها بمعاريس .... ومره جيت مع زوجي وقعدنا ربع ساعه قالت له يافلان ليش من تزوجت وانت صرت ماتقعد معنا الا شوي هذا وانا موجوده وطبعا سفهتني .... فيها غيره ذاااااااااابحتها وذابحتني غيرتها الكريهه صرت اكرهاااا ماادانيها واكره اروح للمكان اللي هي موجوده فيه صرت اتمشكل مع زوجي بسببها ... تخيلو يابنات لدرجه تسألني عن الفراش بطريقه غير مباشره مثلا تقول زوجي يسوي لي ويفعل لي وفيه اشياء مايسويها ومايحبها تبيني اتكلم بالتفصيل عن حياتي مع زوجي وافشاء الاسرار الزوجيه حرام وغير كذا عيب .... بنات شرايكم فيها وش اسوي لها لازقه بحياتي بشكل ماتتصورون ذااااااااابحتني ومحومه كبدي اذا شفتها اكتأب وان شافت زوجي يخدمني او جالس جمبي او يبادلني نظرات الحب تنفجر عليه وتقوله انت اصلا تغار مني ومن زوجي من دلعنا اول ماتزوجنا ورحت تقلدنا ..... آآآآآآآآآآآه مره تعبت وقلبي يعورني منها اكرها اكرها اكرها ... وخايفه على زوجي منها لانه يسولف معها عن حسن نيه واخاف تفهمه غلط واذا قلت له لاتسولف معها ولا تعطيها وجه يقولي ابعدي وساوس الشيطان عن راسك وهذي مثل اختي لازم اسال عن حالها قلت له اوكي اسالها وقولها كيف حالك وبس لاتسولف وسمع كلامي لكن هي احس متعوده عليه انه يسولف معها قبل مايتزوج وبعد ماتزوجني استنكرت وغارت عليه وغارت مني ...... معليش يابنات الكلام فوق بعض ومارتبته هذا من قههههرررررري منها وكرهي لها .... حسبي الله ونعم الوكيل عليها ان كان فيها شر
جوان الروووح @goan_alroooh
عضوة جديدة
هذا الموضوع مغلق.
الله يكفيك شرها ويبعدها عن طريقك ويشغلها في نفسها بالعافيه بدون مكروه
الله يعينك وربي ذي مو طبيعيه بس وشو له ما تتغطى ضروري احد يجبرها تتغطى حرام كذا
انصحك ما تنسي هذا الدعاء(اللهم اكفينيها بما شئت ) والله ما تندمين
الله يسخر لك قلب زوجك ويبعد عنكم كل مكروه
الله يعينك وربي ذي مو طبيعيه بس وشو له ما تتغطى ضروري احد يجبرها تتغطى حرام كذا
انصحك ما تنسي هذا الدعاء(اللهم اكفينيها بما شئت ) والله ما تندمين
الله يسخر لك قلب زوجك ويبعد عنكم كل مكروه
الصفحة الأخيرة
انتي وضحي لزوجك وقولي له ماابيك تسولف وتعطيها وجه لاهي ولاغيرها
اصلا مايجوز تسولف معاه وتكشف عليه
واذا كنتوا طالعين قولي له لايرد على اخوه قولي احنا عرسان ونبقى ناخذ راحتنا
وانتي خليك حريصة لاتسولفين عن حياتك قدامها ولاتقولين لها اي حاجة
خلي علاقتك معاها سطحية
الله يسعدكم ويخليكم لبعض