سلفتي وما ادراكم ماسفلتي كيييد حريييييم

السلام عليكم ورحمة الله وبركاته
اخواتي بنات حواء تكفون واسوني ولو بكلمه او دعوه ان ربي يصبرني على هالناس وراح اقول مشكلتي او الشي اللي يضايقني وانتوا احكموا لاني دايم راضيه بحكمكم الله يسخر لكم ماتتمنون ويزقكم الوظايف ويسخر لكم ازواجكم وذرياتكم

قبل فتره طرحت موضوع عن سلفاتي ان وحده سكنت بيت جديد ولا عطيتها هديه والثانيه جلست فتره وسكنت بيت جديد وقلت بروح لها لكن ودي اعطيها هديه لان هي قبل فتره اعطتني وقلت برجع دينها وقلتلكم اني متردده اعطيها واخلي الاولى انتوا اشرتوا علي وقلتوا ودي معك فطاير وفعلا اخذت برايكم ووديت معي فطاير
لما رحت اثاري سلفتي الاولى قدمت لها هديه طقم وش كبره انا انصدمت لاني قبل فتره سكنت بيت جديد ولا اعطتني على اني دايم اعطيها لكن لما شفتها من النوع اللي ياخذ ولا يعطي وينسى المعروف مسكت يدي
المهم انا انقهرت منها مره وهي ماكان ودها اني ادري انها اعطت سلفتي الثانيه لا لما كنا على العشاء قالت صاحبة البيت مشكوره يافلانه على الهديه شوشفوا كيد الحريم الا سلفتي تغير وجهها ولا اعاد اكلت لان ماودها اني اعرف انها اعطتها وانا لا
سبحان الله والله العظيم اني ماقدرت اسوي مثلها حتى لو بالغيب واكبر دليل اني استشرتكم قبل اروح لها لاني احب اعدل ولا احب اميز وحده عن الثانيه وسلفتي هذي مافكرت
لكن اللي محيرني ان طوول محنا جالسين انا وسلفتي تشكي من اهل ازواجنا وسواليييف وتعلمني باسرار وتقول لاتعلمين احد واذا دخلت سلفتي صاحبة البيت سكتت
طيب ودي اعرف ليه تسوي كذا ليه كلامها مخاف افعالها يعني الزيارت والهدايا لسفتي علما انها ماتعطيها وجه مره حتى ماترد على اتصالاتها
ومعي انا ولاشي حتى لماسكنت بيتي ماجاتني والا مره وعلى الماشي
وهذي سكنت بيتها وجلست شهرين وزاراتها والله ماكذب عليكم
بقولكم شي لاتفكرون اني مقهوره على الهديه والله الذي لااله الا هو والذي رفع السماء بلا عمد مافكرت في الهديه والحمد لله حالنا المادي فوق الممتاز وانا لو محتاجه ماكان اعطي لكن المساله مساله كرامه ياناس افهموني
الموقف الثاني
سلفاتي يعرفون ان امي بتجي ولها اسبوع من يوم جات ولا جو يزورونها عندي
والله يابنات الجيران زاروها وجماعتنا تخيلوا في خلال اسبوع فقط ياكثر الزيارت وسلفاتي اذا جو اهلهم وعرفت اروح ازورهم واخذ هدايا معي لهم واذا ماقدرت اخذ اي حلا او شي
سؤالي هو
وش اسوي معهم الحين زوجي بيسوي عشا لامي وبنعزم ناس هل اعزمهم سلفاتي يعني اخلي زوجي يكلم اخوانه لاني اشوفه وده يعزمهم وانا مقدر احرمه منهم حتى لو جو حريمهم وفقعوا قلبي اتحملهم على شانه لكن انا متاكده اذا قلتله ولحيت عليه مايعزمهم
تكفوووووووووووووووون ودي رايكم