سلفه غريبة الاطوار !!

بنات اخباركم ..

بصراحة انا حبيتكم وحبيت تفاعلكم معي في كل موضوع انزله

موضوعي يتكلم عن سلفتي ..انا من البداية اعاملها اكثر من اخت احبها واعطف عليها ولو حسيت ان زوجها ضايقها بشي قلت لزوجي ينادي اخوه ويحرصه على زوجته وانه يكرمها ويعطف عليها ..يوم بعد يوم ارسلها الغداء ودائما اعزمها في بيتي او برا بيتي اقولها تخيري وين ما تحبين وحنا حاضرين انا وزوجي وهي ترفض بشكل عصبي هالشي :(....
لدرجة اني مره قلت خلاص انا بعزم نفسي لبيتها وتخيلوا انها قالت لي انا ما استقبل احد !!!

سكت وقلت لزوجي قال زوجي هذي اهلي يقولون انها من بداية ما خطبوها وهي رافعة خشمها !!

المهم انها ساكنه معي بنفس العمارة وام زوجي تحن رحتي لها او لا ..هي جتك او لا ..وكل اجاباتي لا ..وتعصب ..مقدر اقولها ودايم اتعذرلها لكن وش كان جزاي ؟؟

اذا اجتمعنا تحاول تتكلم قدام الجميع يقال بتفشلني ..يا ام لمى اسمع صراخك انتي وزوجك لا يكون تتطاققون ... واكتشفت اني لا ارسلت لها اكل تروح تكبه بالزباله او تقول لزوجها انها هي الي سوته .. زوجي لمن يسأله عجبكم الغداء يقول ما وصلنا شي !!...يا ناس حتى اسلوب ما فيه لمن ارسلها اكل تعصب تقول وش قالولك ما اعرف اطبخ !!!!

خلوني اتكلم عن نفسي ..انا واعوذ بالله من كلمة انا اجمل منها بكثييييييير وزوجي والحمدلله معي متفاهم ..ومأثث لي شقة ولا اثاث بيت وزير ومن وانا في بيت اهلي البس الغالي ومن تزوجت ما فوقي غير الماسات واغلى الجواهر ..وهي ابدا ما تلبس وتحتقر الي يحب الكشخة لدرجة انها لا شافتني في بيت اهل زوجي تتنرفز وتحاول تسفطني !!!

انا ابي نكون خوات هي ما تبي !!!...

الي عندها سلفات وعانت مثل معاناتي يا ليت تنصحني

ومشكورين