سليطة لسان بس قوووية جدا

مساء الخير


‏البعض للأسف رابطين القوة بالبذاءة وسلاطة اللسان



وانا شخصيا من يوم اشوف اي احد يتمرد او يتسلط او تكون كلماته والفاظة غير مهذبة وصراخه لآخر الدنيا اعرف واتيقن انه شخص ضعيف جدا


وماعنده ماعند جدتي واي شخص يهايط بالكلام للأسف تلاقيه غالبا مفلس وماعنده غير البربرة انا بالنسبة لي اعتبر طريقته مكشوفة


وهالحيلة ماتمشي ولا تنطلي الا بعض الجهلاء اللي يشوفو في الصراخ قوة


عمر القوة ماكانت منافية للأخلاق الا ان البعض مضروب عندهم الفهم فيظنو هالنقطتين متضادة ماتجتمع !


ويجمعو بين الضعف وطيبة القلب وهذا المفهوم ينرفزني صراحة


كريم الاخلاق ,,خلوق سواء كان يمتلك القوة او كان يعاني من الضعف , ماعمر الاخلاق كانت عائق في طريق القوة الا ان الشخص الخلوق القوي يفرض على نفسه حدود مايتعداها حتى لو انه قادر يمارس قوته بأكثر من طريقة


بعض الأشخاص يجبروك على احترامهم وتقدير مدى قوتهم وثقتهم بأنفسهم , وقوتهم تتمحور دائما بقوة البرهان و تكمن في الدليل والفكرة اللي يطرحوهاو نفي الفكرة اللي يحاول الاخر يثبتها عنهم وفي كيفية الرد المناسب


بأسلوب هادي وقوي بدون تشنج وشد اعصاب,,, او الترفع في بعض الاحيان اكراما لنفسه,,, والخوض اذا احتاج الامر قرصة اذن تأديبية


المشكلة ان اللي سليط لسان يظن ان الناس منبهرة بهذي البذاءة وانا اشوفها اهانة حقيقية لذاته وكشف عن مدى ضعفه اللي كان مستور ومحد داري عنه


تقدر تختلف مع غيرك وتدافع عن نفسك و تفحم الشخص اللي ضدك بقوة الكلمة بدون ماتطلع عن طور الادب , ولنا في قصص العرب خير دليل كانو يعطون ردود مفحمة ان لزم الامر بدون مايتخلون عن الذوق والادب في الكلام ,,


اما البذاءة بالكلام. ما توضح غير مقدار الضعف اللي قاعد يخفيه هذا الشخص. فيحاول يخفيها بكلمات تهجمية يدس ضعفه فيها يظن انه بكذا تبقى صورته قوية وثابته قدام الناس !