سنعات عالم حواء سؤااااااااااااااااااااااال بليز

فوق

الثوم تقدري تفرميه وتفرزينو طلبعا انا ماجربت بس قريت كذا

اما البصل فلا ماينفع


عندي لك طريقة انا كنت اسويها

قطعي البصل ارباع وكشني بالزيت اللين مايحمر وضعي عليه طماطم ارباع
واتركيه على النار اللين ماتحسي ان الطماطم بدأت تذوب

بعدين اتركيها تبرد واخلطيها بالخلاط وقسميها في اكياس وعلى الفريزر...

ان شاء الله اكون افدتك..

حبيبتي
انا تعلمت من البنات فالمنتدى ان احط الثوم فالثلاجه او الفريزر بس لاني اخاف من الريحه تلزق بالثلاجه
اخذت الثوم وفصصته وحطيته بمويه دافيه علشان يصير سهل اقشره وبعدين بشرته كله وحطيته بكيس اللحم العادي وضغطت عليه يعني خليته مسطح كانه ورقه ان شاء الله تفهميني وبعده اسوي بيدي من فوق الكيس خطوط بالطول والعرض واحطه بالفريزر اذا بغيت ثوم اول ماامسك مربع يطلع معي والكيسه مسكره زين بالفريزر احط داخل الفريزر فحم
والبصل سويت طريقة البنات انك تسويه كشنه وتثلجيها بصراحه روعه وراحه تامه وطعمها ابد مايتغير
ان شاء الله افدتك والبنات ماراح يقصرون معك

فوق

الثوم ممكن تحفظينه في الفريزر مثل ماهو بقشره وتقشرينه وقت ماتحتاجينه
إنك تطلعين على قدك وتحطينه في موية دافية وعلى طول يتقشر

وممكن تقشرينه كله مرة واحدة وتحطينة تبروي (علبة بلاستيك لها غطاء محكم) وتحطينه في الفريزر وتطلعين منه وقت الحاجة
ويبقى بس تقطعينه أو تدقينه
وممكن تقشرينه كله وتحطينه بالخلاط مع زين زيتون وتخلطينه لحد مايصير سائل كريمي (شبه المايونيز) وتحطينه في قارورة في الثلاجة أو الفريزر


البصل

حسب طريقة حفظك له ممكن تكونين تركمين كميات كبيرة فوق بعض في مكان سيئ التهوية
البصل لازم مكان تهوية كويس ويوزع على سلال أو كراتين مثل حقت البرتقال أو الموز أفضل
بس ماتركمين كميات كبيرة فوق بعض وتتفقدينه كل مدة عشان لو شيئ خربان تشيلينه على طول

وممكن تقومين تقطعين كميات كبيرة حسب مزاجك صغار وكبار وجوانح
ممكن تحفظينها في الفريزر عادي مايضره لي 25سنة أسوي هالطريقة ولاشفت من ربي شر
يعني لايهمونك اللي تقول يتسمم ومادرإيه يتسمم لو قطعتيه وخليتيه في رف البراد (الثلاجة العادي)
ممكن تقطعين جوانح وتقلينها حق الكشري وتحفظينها برضه في الفريزر بعد ماتجف من الزيت
ممكن تقطعين مربعات حق الكشنة حقت الرز بس تشوحينه بالزيت لحد مايذبل وتتركينه يبرد وتعبيه في أكياس صغيرة على قد حاجتك
ويصير مايبقى إلا تطلعينه من الفريزر وتضيفي البهارات فقط

ممكن تسوين عصير طماطم كثير وتشوحين في شوية زيت البصل وشوي ثوم وزنجبيل وصلصة ورشة بهارات وملح
وتطبخينها لحد ماتتسبك ثم تضيفين الطماطم وتتركينه لحد ما يتسبك كويس ثم طفي النار
وخليه يبرد ثم وزعيه في أكياس نايلون حسب حاجتك وكل مرة تحتاجين حمسة حمراء للمرق أو للمكرونة أو شوربة أو أي إيدام أو رز أحمر بس ماعليك إلا تطلعين الكيس وتحطينه في القدرعلى النار
وملاحظة 000
الأكياس أفضل شي تجمعين كل شكل أو نوع في كيس أو علبة كبيرة وتكتبين عليها عشان يسهل عليك الوصول إليها
ودعواتك يا الغلا