سواقنا توفى

السلام عليكم
بنات قبل يومين اتوفى السواق اليمني الي كان يوصلنا مشاوير
الله يرحمه ويغفر له
والله اني حزنت عليه بطريقه مو صاحيه
حت زوجي بكى معي وهو مايعرفه
تخيلوا تقريبا كل يوم كنت اركب معاه
من يوم كنت بالمدرسه كان يوصلني عشره عمر
حت ايام خطبتي وجهازي محد كان يوديني السوق غيره
اتذكر قبل عرسي بشهر هو الي راح معي وجاب فستان عرسي
ولما اتزوجت وحملت كنت اراجع للمستشفى معه
ويوم ولادتي كان زوجي مسافر وانا عند اهلي وابوي مداوم هو جاء اخذني مع امي
اخر يوم شفته قبل وفاته بيومين وكان طبيعي ومافيه شي
كني حاسه اني بفقده قلت له انت حسبه عمي ياابو فلان ولك معزه
والله اكتب لكم والعبره تنخقني دقيت على جواله رد ولده جلست ابكي ع التلفون :44:
بتقولون ابالغ وسواق
الله العالم كيف هالسواق كان حسبه اب وكيف اثرت فيني وفاته من طفولتي وانا كل يوم اشوفه
مات فجأه ماكان مريض ولا فيه اي شي فجأه تعب واخذوه المستشفى ومات في خلال 3 ساعات
كان رجل ملتزم تقي مرح خدوم قنوع
الله يرحمه ويغفر له ويثبته عند السؤال ويدخله جنات النعيم