سوال اخوانكم كذا ؟؟

بكل امانه بنات
هل اخوانكم او اخوان أمكم خرفان لحريمهم؟
ملاحظه
اقصد بخرفاان يعني زوجته تتحكم فيه
تحرمه من اهله وتقطعه عن امه وتصايح
لو عرفت انه زائرهم ولو يصيرون خواته
او امه بالشارع ياويلك تساعدهم
هذا النوع اللي اقصده
اما
اللي مدلع مرته ويحبها
ويسوي لها كل شي لكن مايقصر مع امه
وواصل ب اهله هذا الرجال الصح
انا كلامي عن اللي خلاص تعتبرينه ميت
لانه كارهكم
انا احس فينا لعنه
اقسم بالله الخالق امي ضعيفه ودايم
مسالمه مع كل هذا عندها اخوين
كل واحد زوجته العن من الثانيه
لدرجه وحده قبل ٣٠ سنه كانت ترسل زوجها
يضرب امه متخيلين!!
لان تعبي راسه انهم يبون اخوك
وزوجة اخوك اكثر منا
حرمت جدتي الله يرحمها
من ولدها ومن أحفادها
الحين امي لها تقريبا ٢٠ سنه ماشافت اخوها هذا
الا صدفه بسوق او محل ياخذ غرض
حتى مره امي جت بتسلم عليه صار يتصد
عنها وكانه غريب ولا يبيها وطلبت رقمه ورفض
ومره امي قالت لخالي الثاني يجلس هذا بالسنتين
يشوفهم مره قالت امي ماعندك حنان
تسال عليهم
قال لا ماعندي
ومره امي انزنقت واحتاجت مبلغ بسيط
كان تحسب عندها اخو سند سكر السماعه بوجهها
قال انا موب جمعيه خيريه
وكلهم من اكبر التجار
وكلهم اعمارهم فوق ٦٠ سنه
وكلهم حريمهم نفس النوعيه
مايبون رجالهم يتواصلون لا مع امهم الله يرحمها
ولا خواتهم لدرجه ممكن توصل الطلاق
لو عرفو انهم متواصلين ايام زمان
والله ان خالي هذا
اللي يجي كل سنتين مره
يقول لامي
انتبهي
لاتقولين لاحد اني اجيك
يروحون يقولون لزوجتي
والله لما اشوف الناس
كيف ترابط
مع خوالهم وحريم خوالهم
يجننو اني ابكي على حظ امي الضعيفه
امي تيتمت قبل تتزوج
ولما صارت عند خالي
مرت خالي جننته لما زوجها على طول من بعد وفاة امها
ب ٤ شهور بس
وصارت مشاكل لما جت امي
عند خالي خالي بكبره مايبيها
لكن امي ماعندها الا اخت كبيره متزوجه
واخوين ولا واحد فيه خير
عماتي دايم يحرجوني
يقولون ماعمرنا شفنا مثل عائلتكم
تشتت
خوالك
والشرهه عليهم اللي وراء حريمهم
لو انهم رجال كان وقفو حريمهم هند حدهم
وللأسف صادقين
كل حريم خوالي ظلاميين
وقاطعين بدون سبب
وعودو بناتهم مثلهم يكرهوننا
لكن مرت خالي الثانيه صح كلها شر
لكن تهون عن الأولى الأولى كان تشحن زوجها
ويجي يضرب امه وخواته لما يموتون بين يديه
للحين امي كل ماتذكرت اشوف دموعها تنزل
لدرجه مره تقول امي كب بنزين
على امه اللي هي جدتي بيحرق فيها