سوووريا للسياحه

انا كثير رحت لها من ناحيه الخضره والطبيعه حلووووة

بس العيب الوحيد اللي فيها انهم استغلالين من حيث البيع والشراء

والأجارات لأن ماعندهم الا هالفرصه وقت الصيفيه يجمعون اكل عيشهم

ومو كلهم نفس الشي

واحلى شي للسكن منطقة بلودان والزبداني

وسلامتك واي شي انا حاظرة

سوريا فيها الطبيعه الحلوه خضره وبراد وبحيرات وغير كذا الرخص
بس مهم لازم تفاصلون بالشقه والتكسي والمشتريات
عندك اماكن الزبداني وبلودان وفي الشمال قمة الجمال في كسب وصلفنه والبحر بالاذقيه
والله يوفقنا وياكم

صراحه مافيه زي صلنفه جووو رووووعه برااااد وامطار وخضره والناس الطيبه والامان وكل هذا مافيه اي استغلاليه بالعكس يعاملونك احسن معامله

احلى شي الصبح تقطفين تفاح ولا عنب من الشجره وتغسلينها وبالهنا والعافيه
بس خذي جااااكيت برد بالليل مره

هي قريه طبعا واهلها يخافون عليك وعلى عيالك اكثر منك لانهم يبونك ترجعين لهم كل سنه

وان شاء الله زوجك يوافق اذا تبين تفاصيل زياده راسليني:26:

حبيبتي
انا حبيت رد عليكي لاني انا شاميه وساكنه بالشام
اول شي اهلا وسهلا فيكي
تاني شي سوريا من ناحيه الطبيعه بتجنن صدقيني فيا خضار وسهول ووديان وبحر وجبال يعني الطبيعه صدقيني احلى من سويسرا
ونحنا شعب طيب جدن جدن منحب الناس كلها بس مالنا استغلاليين ابدن بس مافي حدا مابحب الرزقه
اول شي انا بنصحك انك تيجي عالشام وصدقيني رح تنبسطي بعدين من ناحيه الامان جوزك اخد فكره غلط نحنا عنا امان اكتر من اي بلد تاني يعني نحنا بنات وصبايا مننزل منمشي ومنعمل رياضه حتى لو ساعه وحده بالليل ماحدا بيحكي معك والشرطه موجوده بكل مكان
سوريا نبتن لاي بلد تاني رخيصه
يعني بالنسبه للشقق بدك تعرفي وين تختاري المنطقه احسن مناطق عنا بالشام هيه المالكي والروضه والمزه
انا بنصحك بالمزه لانها حلوه وجوا نضيف لانها بعيده عن قلب البلد
الاجارات بالمزه مورخيصه بس كمان مو غاليه يعني انت بدك بيت صغير مو كبير فينك تاخدي شقه صغيره بمنطقه محترمه جدن بالمزة فيلات شرقيه بتقريبن الف دولار للشهر
بالنسبه للسيارات فينك تستأجري سياره تقريبن باليوم تلاتين دولار بالنهار او تاخدي تاكسي اي مشوار بقلب الشام ما بكلفك اكتر من 3دولار
اي غدا بالشام كمان ما بكلفك اكتر من 25 دولار على الشخص وهادا باحسن مطعم او اوتيل خمس نجوم
والمطاعم العاديه اسعارها جدن عاديه يعني انتي وجوزك وابنك بدكن على الغدا بالمطاعم العاديه تقريبن 30 دولار ماكسيموم
بالنسبه لبلودان حلوه كتير والهوا فيه بجنن فينك تنزلي باي اوتيل هنيك يومين وتتغدي بالمطاعم يلي فيا او فينك تاخدي تاكسي لهنيك بكلفك 10 دولار او ميكرو على الشخص نص دولار وبتتغدي هنيك وبتقضي نهار وبترجعي كمان بنص دولار
في منطقه اسما صيدنايا كمان هي منطقه عاليه برات الشام فيها مطاعم حلوه كتير
في منطقه طريق المطار فيها مطاعم بتجنن كمان واسعارها جدن معقوله
اللادقيه حلوه فيا بحر وفي منطقه كسب كلها جبال وصلنفه مو غاليه
اغلى شي باللاذقيه هوه الشاطئ الازرق يمكن الغرفه ب 120 دولار بس هي بالهاي سيزن بشهر 8
في البيوت القديمه بالشام كمان حلوه كتير فينك ما تتعشي بس قهوه وارجيله كأنك قاعده ببيت دمشقي قديم في مشتى الحلو هي مدينه بعيده عن الشام تقريبن ساعتين ونص فيها منتجع حلو كتير
بالنسبه للمواصلات لاي مدينه ما بتكلف غير 5دولار على الشخص وكلها باصات مكيفه وممتازه
حلب بتجنن ورخيصه كتير وفيها اوتيلات محترمه جدن واكلها بياخد العقل
تدمر كانك بعالم تاني كلها اثار فينك تقضي بس ليله وحده مشان تشوفي شروق الشمس على المسرح الروماني
لازم تطلعي بالشام على اخر الخط مشان تشوفي مدينه دمشق من الجبل وكلها منطقه مخدمه وفيها كوفي شوبس
التاكاسي كلها فيها عدادات والحساب على قد العداد
الاواعي رخيصه كتير بالنسبه ليلي عندكن وفي عندك من النوعيه السيئه للنوعيه الممتازه والخيار الك
الشام شامه واهلا وسهلا فيكيي واي شي انا موجوده واذا بتحبي راسليني على الخاص وحتى اذا اجيتي على الشام انا بالخدمه ونحنا شعب كريم ومنحب كل العالم ومنخاف من الله والاستغلال ما منحبو ولا منعرفو واهلا وسهلا بيلي جايي

انصحك بماليزيا مره حلوه
سوريا تصير مشاكل لناس هناك كثير وغير كذا استغلال عيني عينك
او روحي صلاله الله عليها جنه الله في ارضه طبيعه وخضره ويكفي اهلها ناس طيبين