على ورق.. @aal_ork
محررة برونزية
شارع 14 حي الواحة تحت الكبري
خمس نساء جالسات على " بسطة " طويلة متبرقعات ونقش الحنا اللي على يدينهن
تقول فرش سجاد إيراني وعلى جانبهن عن اليمين ترمزين قهوة وترمز شاي وحبهن وفصفصهن
والله الله ... وذوات أنفس خفيفة مرحات وعصبيات بنفس الوقت الأولى وهي الزعيم:02: واللي تحوش أرباح ما ينتج من البسطة نهاية كل يوم " السنــــــعة " ودايما رافعها أكمامها لفوق ترشينها بما ترشك بنار بس حقانية الحق الحق ...
والثانية : مداد المشاعر " ما غير تحط من هالروج الأحمررر وتمسح وتحط وتمسح
ليما اختفت نوعا ما براطمها ... يابعد عمري هي ... وما تسولف إلا بالعرس وإنها ما راح تعرس إلا عن قصة حب واللي حولها يقنعنه بأن تتواضع وتوافق على أي محترم ذو خلق يطق الباب ما احد فاضي حب وغرام وسوالف عشق ,,, بس هي بالنسبة للمجموعة ذات الكلمة التي يؤخذ بها ... يعني يا طاحوا بورطة انطلقوا لها وخذوا حكمها الذهبية ... يا حبي لها ....
والثالثة : خنفشارية : مثقفه :rolleyes: ما احد فاهمها عايشه حياتها لحالها لا لها ولا عليها مسالمة جدا بس يا عصبت عصبت " وخرو عن الصقر " ..
والرابعة : " مس ثلجه " راعية ذوق واتكيت وما هي مقتنعة باللي حولها ودها تغيرهم لفووووق بس حظ المجموعة دايما يجي عكس.... ذات علاقاااات اجتماعية خطيرة مي بهينه بس بنفس الوقت يعزون عليها خوياتها ولا ودها تتركهم ابد ابد ..
والخامسة والأخيرة : وفاكهة الجمعة والسلة كلها " ! المحطمة!" أم مقالب : وحركات ماتضمنين شتسوي كل شي عندها مقدور عليه ما فيه شي اسمه مستحيل نهي نهي .... ونبدأ بالسالفة الطيبة
وهـــــــاتها بداية :
" السنعة " بصوت مدوي : يـــــا :" مداد " منهو اللي اشترى منا اليوم 5 حزم بقدونس ؟
مدو : أوه و أنا وش عرفني أصلا أنا مالي دخل بالخضرة أنا للمك اب الماكياج وبس... خضرتك المثمرة ماسكتها اليوم " ثلجه " اسأليها ....
عصبت :angry2: " سنوعة " وقالت : ثلجااااااه يا ثلجه !
أرفعت ثلجه طرف ثوبها وجتهم طربق طربق تسابق الريح تركض ليما وقفت وقالت : هلا والله سمي يا بعدي ...
وعادت نفس السؤال وجاوبتها " ثلجة " بابتسامة ;) وقالت : الله يهديتس رجيتني بس هذا هو السؤال ؟
قالت " سنعة " : إيه هذا هو ...
ردت " ثلجه " ببرود : والله ما ادري أنا اليوم رحت يم البلدية عشان أعطيهم صورتنا اللي طقيناها أمس يوم إننا نصف منتظمات لأنهم قالوا " نبي " صورة من نظام الملك ...
تعجبت " سنعة " وقالت : وش لون يعني وش لووووون ما وزعتوا المهام على كل وحدة وش تمسك اليوم ؟
يعني شلون البقدونس راح كذا اللي زرعته وسقيته بدمي وقطفته من ارضي كني اسحب روحي معاه رااح كذا كذااا ....
تمتمت " مدو" وقالت : الله اكبر:dozey: " مزرعة " اللي يسمعها يقول اص ارض مترامية الأرجاء ...
مايدري انه 2في 1 بس لا و بحوش بيتنا وتحت دريشة غرفتها ..
التفتت سنعة " وقالت : وش تقولين انتي وش تهذريــ ...................... قبت أزمة:024: :icon810: بين الشلة وفي أثناء الاقتتال الداخلي لفت نظر الشلللة .. غبـــــــــار كثيف جاي صوبهم وفيه صوت يناديهم ما عرفوا يميزونه ...
شوي شوي حتى اقترب أكثر وأكثر وانزاحت الغمة ووضحت الرؤية :humm: ... إلا وهي خويتهم " ! المحطمة ! " ماسكة الخمس حزم بيد وباليد الثانية نعلة ولد وهي ميتة عطش تقول : أبي ماااا ألحقوني بالماااا ....
تهافتن عليها البنات وجابوا لها الماء وجلسوا عشان يعرفون السالفة الحمد لله على سلامة محطمتنا ... وقالت : مسكته مسكته ...
قالت المجموعة : مين مين هو ؟ ردت " المحطمة " وقالت بثقة نفس ونشوة منتصر:king: بس أنا ماخليته يفرح به ...
سحبها منكم بدون لا تدرون ولد عضوتنا فالواحة " ولد رمال منسية "
استانست المجموعة وارتاحوا وهدت الأوضاع
وراحت " السنعة " واستسمحت من " مدو " وعلى طول تراضو ... ولملموا حاجاتهم وغرضانهم
وقبل مايمشون جتهم " خنفشارية " محمله هالكتب وترررررركض
والنظارات شوي وتطيح والبرقع من السرعة مره كذا ومرة كذا مرة يمين ومرة يسار ..
وصلت لهن بالوقت المناسب:time: وقالت : الهمام الهمام هجوا اهربوا فلـــــوا بسرعة ... قالت " ثثلجة " خير وش السالفة ؟؟ قالت " خنفوشة " وهي تآخذ النفس : أوه أوه قلبي اههّــ تقطع من الركض والله لوني بمراثون كان كسبت ...
بسرعة شيلوا العفش البلدية جاية وقاعدة تسوي تفتيش منقطع النظير فالواحة كلها عضوه عضوه مكان مكان .. وسريع سريع كلهم جمعوا حاجاتهم وانطلقوا للبيت يسابقن الريح
اللي شايله الكتب واللي محملة الماكياج وكراتينهن واللي ترامز واللي خضرة ليما وصلن البيت وجلسن وعينن من الله خير وكل وحدة دخلت غرفتها وضبّطت نفسه وتوضت لصلاة العشاء ماشاء الله عليهن دايم يصلونها جماعه لا عدمتكم قولوا آمين والبقية غدا بإذن الله واللي تبيني ادخلها من الحين تقول بس ما راح يتعدى خمسة أول خمس عضوات يطلبن راح أدخلهن على طول ومن العين هاذي قبل هاذي ......
..
48
3K
يلزم عليك تسجيل الدخول أولًا لكتابة تعليق.
* حورية البحر * : هلا والله هلا ومية هلا بحوريه .... افا عليك بس من العين هاذي قبل هاذي ..... غالي والطلب رخيص ... .* حورية البحر * : هلا والله هلا ومية هلا بحوريه .... افا عليك بس من العين هاذي قبل...
الـــــــــــريــــــم :
الله يسلمك .... يالطيبة ....
مـــــــذهلـــــــــه :
الله يسلمك انتي بعد ولا يحرمني من طلتك البهية
والف شكر لمروركن وتفاعلكن .....
الصفحة الأخيرة
~~~~~~~~~~~~~
عدنا ..
السلام عليكم ورحمة الله وبركاته..
ياحركات انتي يا ورووقه هالايام ماشاء الله مجتهده ..
الله يزييد ويبارك..:biggrin:
كلهن متحنياات حتى مدوو؟؟
خخخخخخخخخخخخ..
ماشاء الله اجل اسم على مسمى سنعه بكل شي حتى التجاره>>خخخخ تجاره على مستوى البسطات..
اتخيل شكلها بدون براطم..:hahaha:
انا اقوول بتشيب وهي توها مااعرست..
بس ياحظها كل بزران الواحه يحبونها خخخخخخخ..
هذي شكله تشبهني بالتصرفات>>خذت الزيين خخخخخ..
ياحركه انتي ياثلجه ..
اجل عندك واسطات هع هع ...
الله يعيينك على الطلبات فضحتك وروووقه..
تحمست ودي اشوف مقالبها عشان نتعظ ونحّذر>>>اييه هين نحّذر..:22:
وانا اقوول اليووم من ذا اللي يصارخ كنها مدرستي حقت الانقلش :biggrin: ..
خخخخخخخخخخ..
بارده على اسمها>>انتبهوا للزنوووبيه الطايره ..:)
خخخخخخخخخخخ..
الحييين مزرعه 2x1وفاتحه لها بسطه !!.
شكل هالبسطه بها كل شي ..
هاذي ازمه البسطااات حتى في حاره ام الحمااام ماسلمووو منهم..:( >>كنها مجربه خخخخخ..
كملييي يالغلا ..
والله تحمست بشوووف مقاالب محطمه..
دخليييني دخلييني ..
ودي اعلق على تصرفات نفسي>>؟؟:biggrin:
خخخخخخخ..
تسلم لنا هالعيوون يارب ...
:26:
تسلمييين ورووقه على الموضووع ..
مشكوووره ..
الله يخلي لنا هالدمييجه المجتهده ...
:26:
ننتظر البقيه ..
سلاااام..