شاكة فيه لسا

https://www.hawaaworld.com/%D8...
هذا رابط الموضوع الاول
لي صار اني كلمته بعدها بيوم على نفس الموضوع بطريقة غير مباشرة
قعد يقولي ابن اخوي مسكين والله ارحمه عشان كذا انا احن عليه ومدري ايش من هالكلام العسل وبعدها عصب يقولي فلانة تحطين عقلك ب عقل طفل صغير ويقولي ب سمي الولد الجديد على اسم اخوي المرحوم واحنا متفقين اني اسميه على اسم ابوي الله يرحمه
قالي ابوكي عنده عيال يسمون ب اسمه انا مالي شغل
مدري من وين جات هالمحبة المفاجئة هذي ل اخوه
من سيرة ل سيرة جبت له موضوع امه وحسيته فهم المقصد وصار يضحك بسخرية 💔💔
حسيت من ضحكته انه مسوي شي فعلا وتميت مناشبة له
الين قبل ثلاثة ايام جاني معصب فاقد اعصابه يقولي فاهم مقصدك وانتي ماتستحي على وجهك ومين انتي تكلميني وانتي ماتعرفين مين انا
يحسبني واحد من عماله
وراح عشان يهرب مني خذ ابنه حجة وطلع يهاوشه فتح عليه الباب يقوله انا شفت درجاتك بالاختبار مثل الزفت وليه ماتذاكر وليه وليه
قلت له ماشاء الله قلبك قاسي على ابنك ورحيم ب ولد اخوك
راح سكت وطلع برا البيت وعلى قوله انه نام في بيتنا الثاني وياخوفي يكون بايت عندها
ثاني يوم كلمت اخوي وفهمته الموضوع انه بس يشوفه وراح قال ل امي واخواتي واختي تتشمت فيني تقولي جعله يعرس عليكي وانا اول من يرقص بعرسه 💔💔
غلطت اكبر غلط اني كلمت اهلي لانهم يكرهونه بدون اي سبب
حالتي النفسية صارت دمار لدرجة طلبت اوبر وخذيت ابني ورحنا عند بيتها ماحصلت سيارته هناك وكلمته يقولي انا مسافر الاحساء
ويوم رجع راضاني وقالي لو ابغى اتزوج كان تزوجت ولا يهمني شي واخطب وبيوم واحد اتزوج بس ما ابغى اتزوج ثاني ولا تحاتين ابدا بهالموضوع وخليكي واثقة
وعن قعدته بالظهر يقولي انه يروح مع اصحابه يشربون شيشة ويتغذون بفندق
بس لااا حاسة فيه انه متغير ومزاجه تغير قلبي واجعني ابغى اتأكد مو عارفة شلون