شخصيتك مع اهل زوجك

والله انا يا قليبي احبهم من حبي لزوجي وخاااصه امهـ والله اني ما ارضى عليها بس انا احسهم يكرهوني هذا الي مخليني ما ادخل معهم مره

احبهم بس هم مادري لكن ماشفت منهم شي شين


لكن لازم الواحد يدللهم شوي والدنيا ماتخلي حبيبتي

اهل زوجي غريبين مره يضحكون معك وسوالف ...الخ
ومرات الوجه مقلوب ولا ودك تناظرين فيهم طبعا هم تغيرو من بعد الزواج
والا اول يحليلنا مع بعض بس انا اذا شفتهم مرحبين وضحك افلها معهم
واذا شفتهم بالوجه الثاني ما احاول اشوفهم الا بعد اسابيع رغم ان الباب مقابل الباب ولا يخلي من الحساسيه في بعض المواضيع طبعا ورسميه معهم بخصوصيات بيتي لو اعطيهم المجال ما اعتقد بيسرني اي شيء منهم ...

انا يوم ني ساكنه عندهم وانا تزوجت صغيره كانوا يبون يتحكمون فيني حتى ادوات المطبخ اشتر ذا ورجع ذا والله انقهرت منهم وايام العزايم يتحكمون بعزيمتي والباقي ياخذونه كاني مالي دور وانا خادمه طبعا برضى زوجي لكن اللحين نقلنا وصرنا مانتقابل الا بالمناسبات الكبيره كل ثلاثه شهور
واخذتها قاعده خلك بعيد حبك يزيد مع العلم مااكرهم لكن تصرفاتهم ترفع الضغط حتىى زوجة ابوهم تبي تفرض سيطره علي واللحين صارت معاملتي رسميه يازينها واللي يحترمني احترمه واللي مايبي ينطق بالحكي لين يعرف قدره

انا احبهم لكن ام زوجي الله يصلحها تغار مني{{لاني متزوجه ولدها الوحيد}} بس ما تبين ها الشي قدامي بس احس فيها من نظراتها وكلامها
وانا مااحب انزل لهم يوميا >>>بما اني ساكنه في نفس البيت ولي شقه لاني انا من النوع الي يمل بسرعه وما احب الروتين لكن زوجي الله يهديه يقول لالازم تنزلين لهم واذامو عشانهم عشاني آآآآآآآآآه والله حاله ترفع الضغط
اما عن شخصتي فانا قليله كلام معاهم>>يعني ثقيله شوي وهاديه {{بس قدامهم}} وما احاول اطيح الميانه عشان يكون في احترام بيننا


الله يسعدك اختي سماسم كول على موضوعك