شخصيتي ضعيفه تعبت وانا ساكته شوفولي حل

بناااااات بمووت قهر احس اني مختنقه ضاايجه مالي شخصيه دايما اسكت عن حقي توه اتصلت فيني وحدة من البنات الدوام تقولي ليش اتكلمتي في فلانه بنسميها نورة وتكلمتي بعرضها وقلتي انها ......... مع المدير فمكتبه الخاص !! وانتي وانتي وانا مثل الهبلا ساكته ولارديت بشي
من برودي قلتلها منو اللي قالج اني متكلمه فنورة وليش اتكلم فيها قالتلي لانج ماتكلمينها !! مارديت بس انا انا خليتها لانها استغلتني فكل شي فالشغل تباني اشتغل شغلتها واسلفها وادفع لها فلوس الريوق ! ماينا على هالاشيا كانت تطلب مني رصيد واحوللها وتطلب سلف ب200 واسلفها ولا كانت تردهم واقول ماعليه عشان جذي انا ابتعدت عنها
انا مب غبيه اعرف طبع البنت اللي اتصلت فيني تحب تكبر المواضييع
قلتلها انا مظلومه والحق بيطلع <<<<<<<كلام مسلسلات ومثاليات زايده
رديت سالتها منو اللي قالج اني تكلمت فنورة قالتلي مابقولج بس وحده اتصلت فيني وقالتلي انج متكلمه ففلانه وانا مادافعت عنج لاني مااظمن تكونين مب قايله !! وانتي ومب لازم تعرفين اللي موصلي الكلام وانا طالعه الحين ويلا مع السلامه !!
اتصلت مره ثانيه بعد ماانفجرت صيااح طبعا عشان اعرف الموضوع قالتلي نتكلم باجر احسن وكانت فمكان هادي فجاءه سمعت صوت الاب توب ينفتح وبعد دقايق حاطه اغنيه وتعلي عليها وتقولي طيب انا عندي ناس نتفاهم باجر وسكرت فويهي!!
هذي صاحبه كلام وتحب تتكلم وايد عكسي انا مااقدر عليها باجر شسوي قولولي شور و علي ليش انا بالذات اللي كل ماتصير سالفه يحطونا علي وانا ماتكلمت والله العظيم مظلومه
شخصيتي ضعيفه واايد طيبتي الزايده ضيعتني والله اكتب وانا ميته صيااح ومب قادره اتنفس من الضييج
ماعلي صلااة واحس اني مختنقه قولولي شسووي
ببنات ابى اقدم استقالتي بس وانا راده كرامتي وابين للكل اني ماتكلمت فحد ولا لي فحد مابا اطلع والكل يكرهني بسبت هالاشاعات وهذي مب اول اشاعه ولااول سالفه تصيرر بس اكبرهم وكل مره انا ابلع لساني و ااسكت
لاتستغربون مني ادري الاسلوب مب اسلوب وحده عمرها 20 سنه بس شسوي كلامي مااقدر ارتبه عدل حتى فحياتي