حنين الامس 2010 @hnyn_alams_2010

عضوة جديدة

شخص مجهول يراسلني اناخايفه ساعدووووني والله اني صادقه

يااخواتي الله يسعدكم دنيا واخره انا اعيش في بيتي انا وابنائي زوجي متزوج زوجه ثانيه وانا الاولى وهجرنا وتركنا حسبنا الله مع ان اهله مستغربين ويمدحوني ولله الحمد المهم في العام الماضي ارسل لي شخص مجهول رسايل حب ويذم زوجي وانه مايستاهلني واني ناقصه حب وحنان واحبك مووووت ويعرف اسمي واسماء عيالي ويقول ابعطيك فلووس من تحت الباب وانا تجاهلته واخبرت زوجي في البدايه عصب وضاق واخذ الرقم وجده شريحه بدوون اسم ثم انقطع المزعج وعاد لي من ايام يرسل ويقول انا احبك انا عبدك خدامك اطلبي ماشئتي وانتي محتاجه للحب ويقسم على ذلك وابعطيك هديه واخاف اقولك من انا وافقدك للابد انا خايفه لاني انا وعيالي ولدي الكبير في اولى جامعه ساعدوووني:27:

يلزم عليك تسجيل الدخول أولًا لكتابة تعليق.

تسجيل دخول

ياسمين الطائف • 13 سنة

انتبهي يا حنين انتبهي لا يجرك ترى الشيطان حي مامات هذا واحد يبي يخرب بيتك واكيد انه من العايله يعرفك ويعرف عيالك انصحك تغيري شريحتك والا قولي لزوجك , عشان بعدين لو زوجك درى بيكون عنده خلفيه بالموضوع , انتبهي .

استروبلي • 13 سنة

هذا شيطان يا قلبي .. عارف بقصتك مع زوجك ويعرف ان زوجك بعيد
عنك ويبغى يوقعك بالحرام ..
انتبهي لنفسك فالشياطين تختار اوقات صعبه لدخول علي ابن ادم
المهم قلبك لا يهتز ولا يضعف .. وزوجك ادعيله ولا تحاولين
تطلعين اسرارك ومأسيك عند الحريم لأنهم هم الي ينقلون لهالشيطان
معاناتك وهو مستغلها لصالحه

فكري زين الحب يجي من الباب مو من الشباك والرسايل
لو انفصلتي عن زوجك ما راح يجيك لا من باب ولا من شباك

امووورة الكون • 13 سنة

طيب قولي لاحد ثقة وخليه يستدرجه حتى يعرف من هو

شجرة*الدر • 13 سنة

لاتردين على اتصالاته وفترة ويمل او احضرى رقمه افضل لك لكن خلى عند زوجك علم بالسالفه

عاااشقه مكه • 13 سنة

اسمحيلي زوجك هوسبب اللي قاعديصيرلك لانه عارف كل شي بينك وبين زوجك اللي اقدراقوله لايدخل الشيطان بينكم وانتبهي لبيتك وعيالك والله يردلك زوجك ويسخره لك ويبعدعنك اعيال الحرام يارب تحياتي