كيف الحال للجميع الله يعطيكم العافيه على التفاعل في هذا القسم
طبعا اعتذر للاخوات يلي طالبين مني تنزيل صور غرف اولادي والمطبخ من جديد لانها ماتفتح معاهم
ابشروا باذن الله اعيد تنزيلها الاسبوع القادم لان هذا الاسبوع عندي مناسبة مهمة وجدا مشغوله
نجي للموضوع
باذن الله راح اغير غرفة المعيشه
اولا عندى كنب قديم تقريبا نيوكلاسيك وديته انجده واخترت قماش مشجر حلو ( زي الامريكي زمان )
تقريبا مثل هذه الصورة الكنبة المشجره طبعا
الارضيه بني والزهور اورانج واصفر وبيح وطبعا اوراق الشجر خضراء
الكنبة الكبيرة 3 مقاعد ورداتها كبار
وكنبتين ورداتها صغار بنفس الوان الكبيره
وعملت2 بف ( يلي يستخدم كمسند للارجل ) مقلم بالبني والبيج والبرتقالي والاخضر
والستاره برتقالي ساده والمركزيه من الاورجنزا نفس قماش الورد الصغير
عندي البوية تعتيق خفيف لون بيج والبروسلان بيج
ماكان ودي اغير البويه بس طلعت في راسي وايغى اسويها مفاجاءه لزوجي
السؤال هنا : ايش لون البويه المناسبه
الغرفة تقريبا مقاسها 4ونص* 5
هل اخلي جدرين معتقه يلي مقاسها 5
والاثنيين الثانيين بني ساده ,, ولا برتقالي ولا طوبي
علما بأن <<< حلوه علما :)
المكتبة لونها بني فاتح وناوية احط طاللات بيج ايش رأيكم ؟؟
ولا اغير احط بلازما ؟؟
لخبطتكم صح خخخخخخخخخخخخ
اتمنى تعطوني ارائكم واذا فيه صور مانقول لأ :27:
وراح اوريكم ان شاء الله صور الغرفة قبل وبعد:27:
استناكم :time:
