بنـــوته 2010 @bnoth_2010_1
عضوة جديدة
** شرايكم في طبع زوجي ؟ .**
.
.
.
.
خواتي بنات حواء جايتكم بستشيركم في موضوعي ..
انا تزوجت المره الأولى وتطلقت وكنت بكر بعد ايام من زواجي ..
وتزوجت الان من شخص مطلق مرتين الأولى جايب منها ولدين
لكن الأولاد مع امهم .. معاملته بالملكه كانت فيها ذوق واخلاق وبعد الزواج من أول يوم
كانت معاملته غريبه باختصار يابنات كان قليل الكلام مكتئب , مايحب ابد المطاعم
سافرنا اربعه ايام لمكه نطلع نصلي ونرجع مافكر ابد يمشيني , اشترى لاهله هدايا وانا مافكر
يخليني انزل اتمشى معه او اشتري شي وانا طبعا اخجل كثير اقوله اشياء زي كذا
يمدح بشكلي ولبسي والحمدلله مااحاول يابنات بالرغم من الي اشوفه منه اني اجرحه او اكبر الأمور أو أقصر في اهتمامي في نفسي او فيه ..
صار يوميا يروح لاهله ويتعشى عندهم , واذا طلبت اروح لاهلي يرفض وحددلي مره بالاسبوع مع انه في المقابل مايجلس بالبيت او يمشيني و اذا تاخر ودقيت عليه
يتضايق ولما مر اسبوعين طلب مني اطبخ نوع معين كبسه فقط وربي يابنات يقولي اذا طبختي
اي شي ثاني ماراح اكله وخلصيه انتي ولا ترمين شي ولا تبقين شي ... بالاضافه الى ان المقاضي
كتبتله اغراض جاب بس اللي يشوفه مناسب لطبخ الكبسه يعني مافيه خضار ولا فواكه ولا اي شي
مايحبه .. لما قرب رمضان وطلبته مقاضي قال مافي داعي انا افطر على حليب وكبسه , ونسيت اقولكم هذا كله اكتشفته مع الوقت انه بخيل السبب الحقيقي لهالتصرفات كلها هو البخل حتى اللمبات يرفض اولع اي شي
ويبغى اولع ابجوره صغيره بالصاله طول الوقت .. ومره نسيت مكيف االصاله ورجع من برا وكنت نايمه صحاني يسالني ليش ماطفيت المكيف .. هذا غير يابنات انه مو ملتزم ابدا يعني اكتشفت حتى الصلاه يجمعها كم فرض ويصليهم لما يصحى واحيانا يروح وانتم بكرامه لدورة المياه ويرجع يكمل نومته ومايصلي لين يصحى وهالشي خلاني انصدم كثير فيه .. وش اقول بس يابنات وربي هذا باختصار طبعه ..يعني الوحده منا ممكن تتحمل بس بحدود طاقتها انا عشرتي مع هالرجال حسيتها صعبه مره ,, والاهم من هذا لما تتفاجين بالطبايع هذي من اول الايام يعني ماحسسسني بدلع ولا اي اهتمام باول زواجنا اجل كيف بتكون حياتنا بعدين وشي مهم ضايقني وصدمني قبل اترك البيت كان يقولي هذا بالله مطبخ موظفه انت بخيله يعني شلون يكلم عروسته مامر على زواجنا شهر بهالكلام وانا يابنات يشهد الله اني قد قلتله اذا ربي كتب نشتري ارض ونبنيها سوا ليش هالاسلوب مدري لما قلت لاهلي قالوا هذا طبعه كذا ,, انا تركتله البيت قبل رمضان وانا الان عند اهلي طالبه خلع ,, الشي الي بسالكم عنه بنات هو رافض يطلق إلا بعد مايرجعون اهلي المهر وقيمة الذهب مو الذهب لا قيمته يخاف يخسر فيه الله لايبلانا .اهلي وافقوا وتركوا عند الشيخ في المحكمه الشيك الي فيه المهر وقيمه الذهب لكن هو يماطل فينا يقول لا خلوها تطلب خلع واخذ حقوقي ماراح اطلق ابد طيب ليه مايطلق وياخذ حقوقه وش الفرق ؟؟ تتوقعون خايف نطلبه نفقة الشهرين مع انه مستحيل نطلب لان هالشي بياخذ وقت ووجع راس واهلي مايحبون الشي هذا .. تتوقعون ليش ؟
دعواتكم لي خواتي ان الله يفرج همي ويجبرني في مصيبتي ويخلفني خيرا منها ..
38
4K
يلزم عليك تسجيل الدخول أولًا لكتابة تعليق.
الله يفرج لك يارب وييعننا على هالنوعية من الازواج انا زوجي فيه من طبع زوجك بس بالصلاة قاهرني فيها
ان شاء الله يارب يهديهم ويثبت قلوبهم على طاعته
ان شاء الله يارب يهديهم ويثبت قلوبهم على طاعته
الله يفرج همك
والله سبحانه وتعالى قال"ما أصاب من مصيبة فالأرض ولا في أنفسكم إلا في كتاب من قبل أن نبرأها إن ذلك على الله يسير*لكي لا تأسوا على مافاتكم ولاا تفرحوا بما ءاتاكم والله لا يحب كل مختال فخور"
صدق اللله العظيم
والله سبحانه وتعالى قال"ما أصاب من مصيبة فالأرض ولا في أنفسكم إلا في كتاب من قبل أن نبرأها إن ذلك على الله يسير*لكي لا تأسوا على مافاتكم ولاا تفرحوا بما ءاتاكم والله لا يحب كل مختال فخور"
صدق اللله العظيم
السالميه
•
استغفرالله بس الله يفرج همك ياشيخه لاتضايقين حالك خليه ينقلع هالبخيل ياااااااااااااااااااااكرهي للبخل ضلي على قرارك ليييييييييييييييييين يطلقك ويشوف عادمن ياخذه هووبخله
الصفحة الأخيرة
وأعلمي علم اليقين أن ما أصابك خير لك
لأن المؤمون في كل أحواله خير
فابتسمي ياأختي ولاتتضايقي من شيء وكل أمر ميسر
فليس بعد العسر إلا اليسر
أستغفرالله.سبحان الله.الحمدلله.لا لإله إلا الله .الله أكبر
اللهم صلي وسلم على نبينا محمد وعلى ىله وصحبه أجمعين
اللهم أجعل الفردوس سكن لي ولوالدي ولمن قال آمين