كيف الحال ؟ تمام
ابغى دعوة حلوة من كل وحده في هذا الشهر الفضيل اوكي مو تنسوا
قصتي ........ انا ليا 3 سنين اعاني من تساقط رهييييييييييب لشعري ولا نفع معاه شي والحمدلله
كان مره طويل وبسبب التساقط صار يخف وانا اقص ويخف واقص اليييييييييين قصيت كاريه ولسا يتساقط
المهم قريت هذه الخلطة في النت وقلت اجربها ولو ما تنفعت بتكون اخرررررررر خلطة اجربها في حياتي
من كثر ما طفشت وفرجت وكنت اظنها لاااااااااااااااا تفرجووووووو
من يوم جربت الوصفة والتساقط خف بشكل ملحوظ لكن توقفت فترة لان رحتها وحشة وكان عندنا زيارات
وداحين رمضان وقعده في البيت وبرجع لها المهم يا بنات الحلال والخلطة كالتالي
علبة زيت نارجين من عند العطر وليس المعلب
50 غرام سابله و 50 غرام ماسكه طبعا الاسامي غريبة حتى لما رسلت اخويا يجيبهم
اعطى العطار الورقة وقال جيب اللي فيها منعا للاحراج لانو شاك في الاسماء ههههههههههه
50 غرام ساق الحمام
وهذه الصورة
تحطي الزيت على نار خفيفة لمدة 5 دقايق وبعدين تحطي الخلطة كمان 5 دقايق وساق الحمام
تدقيه قبل ما تحطيه لان مو مدقوق
على فكرة قولي للعطار يجيب ب 5 ريال من كل نوع وعلبه صغيرة زي اللي في الصورة زيت
لكن ما تحطي كل الخلطة ,, حطي نصها بس
وبعدين استخدمي منخل صغير عشان تصفيها وترديها العلبة
وبيصير شكلها كذا
وتدهني شعرك كل يوم قبل النوم تغسليه الصباح ويفضل تلبسي طرحة عشان لا تعدمي الدنيا
من داحين اقولكم الريحة منعشة توصل لسابع جار يعني اذا احد من الجيران اشتكى عليكم مو تقولو
انا السبب اللهم بلغت
ان شالله تستفيدو من الموضوع يا حلوين
وانا جاهزه لاي سؤال اشوفكم على خير