مدري ليش فكرت اكتب لكم كيف كان شعري
لين ماسار الحمدلله على كل حال
انا شعري وسط مو ناعم بس كيري
وانا صغيرة امي كانت تحط لي نارجيل الاخضر
طبعا يكثف معروووووف بس الريحة ويخليه يكش
وصلت المتوسط بنت جيراننا نصحتني احط حنا مع زيت وراح ينفرد الشعر وينعم
ومن يومها لين تزوجت
وانا احنيه مرة بالاسبوع
كنت اغلي الحلبة واشيل مويتها واضيف لها زيت نارجيل من المعصرة
واحط الحنا حسب طول شعري (قد مااقولكم روووووعة ماتكفيها)
مااغسله الا مرة وحدة بالاسبوع
والاستشوار للمناسبات
اخليه كيرلي لانه كان طويل لنهاية خصري الله يرحمه
اميش خصل واحني فيطلع لونه عودي
او عنابي
زيتي كان النارجيل الطبيعي من المعصره ريحته قريبة من الباونتي
ولما تزوجت ام زوجي نقت علي الا اقص (مدري كيف طاوعتها قصيته وانا عروس مالي اسبوعين)
وبدات اهمله وبطلت الحنا
وكرهت شكلي بالقصير
الناس يقولوا حلو بس مو مقتنعة الشعر انوثة للمراة
شوفوا غادة عبدالرازق عمرها 40 وكيف الشعر مخليها
قمة الانوثة
جربت الفرد اول مرة وانا حامل بشهرين كان شعري اسود
خليته بس 10 دقايق طلع هاجد ومع الاستشوار الخفيف حلو وسايح ومايبان انه مفرود
المهم من اسبوع قلت بفرد بس انا
صبغت بعد نفاسي وصبغت الجذور قبل 3 شهور
وراح الشعر فيها
صح لون بس لاحياة ولاحيوية
ولااقدر افكه بدون استشوار زي ايام الحنا
مالقيت الفرد حقي هو سوفت اند بيوتفل بس بالانقليزي
اخدت سوفت اند بيوتفل العربي وبرضه بالاعشاب
وماخليته الا 7 دقايق بس
لاني شفت الخصل الثلجي تنزل بيدي
ليتني رجعت للحنا اول
بس انا استخرت وان شاءالله انها خيرة
ودحين بعد اسبوع من الفرد
جااااااااااااااااااااااااااااااف
لون الصبغة بهت
(بالله اللي تقرا الموضوع تدعي لي شعري يرجع )
وقلت مالي الا الحنا
ان شاءالله انها ماتعدم الشعر بعد الفرد
سويت خلطة اللي هي زيت ذرة وطحنت بابونج واس واملج ودفيتها شوي وحطيتها بعلبه
وبرجع لزيت النارجيل الطبيعي
ونصيحة لاتلعبون بشعوركم
الله يرزقني واياكن الشعر الحلو
