السلام عليكم ورحمة الله وبركاته
طبعا الخلطه كل مكوناتها ممتازه ....
مكونات الخلطة
1- علبة كامله زيت اللوز الحلو ( للشعر )
فائدته : مفيد جدا لمشكلة تساقط الشعر
2- علبة كاملة زيت خروع
فائدته : مفيد لكثافة وتطويل الشعر
3- نصف علبة نارجيل ( من العطار النارجيل الاصلي علبته صفراء مالقيت صورته لكن بحاول اجيبها )
فائدته : نعومه ولمعه وكثافه
4- نصف ملعقة صغيره محلب
فائدته : تطويل الشعر
5- نصف ملعقة ملح
فائدته : يعمل كمنظف ومطهر للشعر وحافظ للخلطه
تخلطين كل المقادير في علبه وتخلينها مدة أسبوع كامل ... وبعدها تبدين تستخدمينها .... انا انام فيها بس المتزوجات يمكن صعبه عليهم ممكن تخلينها ساعتين على شعرج
نصائح متفرقه :
1- التزمي بأكل الخضار يوميا ولو انتي ماتحبينها على الاقل صحن سلطه كل يوم وهذا الشي انا بديت فيه ومتاكده انه ساعد شعري انه يتغير
2- كل يوم الصبح لماتحين دلكي فروة شعرج لتحفيز الدورة الدمويه وتنمية بصيلات الشعر
3- أثناء تدليك الشعر بالزيت احرصي على التدليك بداية من جذور الرأس واماكن الشعر الخفيف الى الاطراف
4- للي حابين يطولون شعرهم لماتزيتين الشعر اعملي ظفيره لانها تساعد على التطويل
أتمنى من أي بنت تجربها تكتب تجربتها يوم من الايام .... وان شاءالله باذن الله انكم تلاقون نتيجه مثلي وتنبسطون .... انا بديت فيها مثل ماقلت لكم وناويه اكمل لاني فعلا شفت نتائج مرضيه .....
الله يجزي صاحبة الخلطه كل خير ويرزقها بالذرية الصالحه
والله يرزق الي دلتك عليها الذريه الصالحه