شغالة اهل زوجي طلعت ساحرة!

السلام عليكم 

انا اكتب موضوعي هذا كتحذير عشان تاخذون عبره من اللي صار 


الموضوع هذا صار اليوم 
انا ما انصدمت وايد 
لأنه مرت علي بعض هالاشياء فبيت أهلي 
تخيلوا شغاله أهل زوجي عندهم من قبل ما انى أتزوج هي اندونيسيه كبيرة فالسن

وانا ما كنت ارتاح لها ما ادري ليش من الله
ومرة دخلت توصل لي شي في بيتي
أول ما انا تزوجت وقامت تتلقف وتسالني انتي حامل ولا لا انا ما ارتحت لطريقتها وكرهتها اكثر


المهم عدت السنين 
وهي صارت موضع ثقه الي فالبيت
ويعاملونها احسن معامله 
احتياجاتها توصلها كل شهر صابون وشامبو والاكل اندومي وغيره وكل شهر أخت زوجي توديهم هي والثانيه كارفور يتقضون لهم من الي يحبونه
وكانت أخت زوجي ما تطلب من الخدم شي بعد أذان العشاء ويعطيها وقت للصلوات 
ولما تسافر تشتري لهم هدايا بسيطه والأعياد ما تقدر معاهم بعيديه وغيره واصلا بيت أهل زوجي كلهم بنات اولاد غير متزوجين فأغلب اكلهم برا البيت والبيت صغير 
يعني من الاخر مافي ضغط شغل ومعاملة من أحسن ما يكون

وسافرت الثانيه وظلت الإندونيسية و استقدموا اندونيسيه ثانيه. 


الجديدة الي كملت شهرين أمس راحت عند اخت زوجي الكبيرة الي مسؤوله عن أمور البيت
واعترفت لها قالت لها 
هذي القديمة تضربني وتأخذ راتبي من أول ما وصلت واصلا تكلم ساحر في قريتها 
واتفقت معاه يسوي لكل اللي فالبيت سحر 
تخيلوا سارقة الفوط الصحية المتوسخه للبنات انا أسفه علي الكلام المقرف
بس انا مصدومة من حقدها 
لا والادهي سارقه ملابس داخلية لزوجي وأخوه ملابس زوجي من سنين عندها 
لانها ما سافرت إجازة لبلدها ملابس داخلية غير مغسولة! طيب ليش حرمة عمرها فالاربعين أو قريب الأربعين 
لقوا الملابس مربوطة في عقد 
وسارقه أغراض كثيرة من المطبخ وملابس وأشياء لا تعد ولا تحصى 
طبعا غلطة أخت زوجي ما كانت تفتش غرفتها 
وقالت للخدمات الي معاها انا اكرههم كره هذيل أغنياء ومرتاحين ونحن نتعب 
اي تعب والله انها تأكل وتشرب وتشتغل بالمزاج حتى النظافة أي كلام
المصيبة الكبيرة 
أنها مب بس ساحرة إلا مجرمه
أخت زوجي كانت تربي حيوان 
ومات من سنتين ونحنا ظننا انه مريض 
الحقيرة اعترفت للشغاله الثانيه أنها هي قتلته
لانها كانت تغار انه حيوان وباقي رعاية واهتمام 
كيف طاوعها قلبها انها تقتل روح وبهيمه
وسبحان الله الحيوان كان ينفر منها مايحب يلعب وياها 
وبعدين كانت تلبس ملابس أخو زوجي الداخليه ما اعرف قصدها من هالحركات الوصخه
والله ما اعرف نسيت شي ولا لا 
كل ه الاكتشافات بيوم واحد 
ولما ودوها الشرطه لا خايفه ولا هم يحزنون 
تضحك وتستعبط


الخلاصه لا تثقون فيهم وتقولون عندنا من سنين أو نحن نعاملهم بما يرضي الله 
واذا كانت قتلت حيوان كيف نامنهم علي أطفالنا ياربي تحفظنا من شرهم 
كلامي مش مرتب لكن حبيت اني انبهكم
ورجاء الي بتشغل اسطوانه التجريح والاستهزاء وتسخف الموضوع لاتريد احسن