شغالتنا ممكن تفيدوني كيف اتعامل معها

السلام عليكم

عندنا شغالة شخصيتها قوووووية كانت عند الناس وما اعجبوها انحاشت وجتلنا

شغلها نظيف لكن شخصيتها قوية واخذناها نقل كفالة

قبل فترة كان فيه سلطة بتتقطع لكن امي حتقطعها وانا احسبها الشغالة
فقلت لها البسي قفازات وقطعيها
زعلت وقالت انا ماالبس قفازات انا اشتغلت عند ناس وماالبس قفازات بعدين مااقدر
القفاز اذا لبسته مااقدر اقطع أجرح يدي
قلتلها تستهبلين ؟ ترا انا البس قفازات عادي
قالت وشو تستهبلين , وجلست تتحلطم
اصلا ماتدري وش معنى كلمة تستهبلين

المرة الثانية انا ماجالي نوم كان فيني ارق ولما اصبح الصبح ع الساعة 9 ابي انام
إلا الشيخة تصقع بالمطبخ ثم شغلت مكينة
طلعتلها قلت شوي شوي لا تطلعين صوت
جلست تتحلم وتعلي صوتها
طنشتها ودخلت الغرفة

اخر مره وهي الي قصمت ظهر البعير
كنت طالعة واخذت رقمها من شغالة اخوي وكلمتها قلتلها تسوي قهوة
لما جيت في الليل تذكرت اني ناسية كيس ملابس ابي ارجعها ومدبس عليها الفاتورة
خفت تكون رمت الكيس فكنت ابي الحق عليه اذا كانت رمته بزبالة الشارع وانتم بكرامة
اجيبه واطلع الفاتورة قبل يشيلونها البلدية لأن الفاتورة قيمتها غالية وحرام تروح الفلوس
كانت الساعة 12 كلمتها وعلى طول ردت علي وكان واضح من صوتها انها ماكانت نايمة
سألتها عن الكيس وقالتلي في الدرج دورت مالقيته
كلمتها قلت وينه فيه فاتورة قالت انا رميت الفاتورة
قلت جيبيه الحين تعالي جيبيه
نزلت تتحلطم بصوت عالي وانا اقولها اسكتي
طلعت الكيس وقالت ماتشوفينه عمياء !!
قلتلها جيبي الفاتورة قعدت تطلعها من الزبالة وهي تتحلطم ليه انزلها بهالوقت
واعطتني ايصال الدفع بوواسطة الشبكة
قلتلها لا فيه فاتورة ثانية وجلست تطلعها وهي تتحلطم وتقول مافيه غير هذي الورقة والله مافيه
قلتلها فيه وجيبي الزبالة انا اطلعها وانقلعي
قعدت تطلعها وجابتها لي طبعا وهي تتحلطم برا سمعتها تقول مجنون
راحت لشغالة اخوي تكلمها وتقول ليه تعطينها رقمي ؟!!
انا ماابيها تكلمني
دخلت عليها قلتلها من زينك انت وقهوتك انا اقدر اسويها وشغالة اخوي قالتلي ليه تخلينها تسويها
انا اقدر
ومن ضمن كلامها تقولي انا اشتغل عند ماما بس
قلتلها السواق انا ادفع راتبه ويشتغل عندي وعند ماما
وانت تشتغلين عندي وعندها
قعدت تقولي خلاص يا فلانة خلاص انا جبت الفاتورة لك خلاص
قلتلها وش عقب جبتيه ؟ مديتي لسانك قلتي كلام موكويس والإنسان الكويس يقول كلام زين
وانا ماقلتلك كلمة غلط انت غلطتي وبدل ماتعطيني واقول شكرا وكويسة
غير انك من كم شهر هنا ولا مرة كلمتك تنزلين وهذي أول مرة لكن شوفي ايش سويتي
عطيتيني الفاتورة وجبتيها بالأخير لكن وانا متضايقة منك ولسانك يلعلع وهاتي الفاتورة ولا ابي اتكلم معك


المهم ابي رايكم كيف اتصرف معها بدون ما أدخل احد من اهلي
لأن مااضمن ردة فعلهم للأسف هم مدلعين الشغالات ويخلونهم يستقوون
ملابسي من يومين حاطتها ماكوتها
تبي شوي شوي مع الوقت تفرض قانون انها مالها دخل غير بامي

افكر اذا مصختها امسكها واقول السكر لاتسوين منه شاي انا شاريته والمكرونة لا تطبخين منها انا شاريتها
والزيت لا تستخدمينه انا شاريته
بتقولون لاتنزلين نفسك مستواها
لقيت البزران ماينفع معهم تصرفات الكبار

وافكر اقولها بعد السواق انا ادفع راتبه لا تخلينه يشتريلك شيء

لكن ودي اصبر واشوف هل تكوي الملابس وتعقل
ولو ماكوتها اقولها هالكلام ولا ايش اسوي
ابي الزمها غصب من على خشمها
يكفي ان قسمي مااخليها تلمسه واننا نعاملها كويس

وتراها يوميا تروح من بدري ع المغرب ومانقولها شي
غرفتي عمرها مادخلتها انا اكنسها وارتبها
حمامي وانتم بكرامة ومغاسلي انا انظفهم لأني بصراحة قرفانة من الشغالات وقلقهم
ملابسي انا اغسلها بس اخليها تكوي
شغل بالبيت مافيه احنا عددنا قليل