شغالتي سراقه......

السلام عليكم

بنات قدر الله علي وجبت شغاله اندنوسيه الله يمحقها

من اول ماجت وهي بالمطار وانا اقول انا وش اللي قردني واقدم على الشغاله

عجزت ابلعها ما ارتحت لها ابد مع انها هاديه وماتسمعين صوتها لكن لاحظت انها فااهمه كل شي يعني المجنون من يشوف شغلها يعرف انها سبق لها العمل

شي ثاني خربت على برمجة الرسيفر وانا قبل اطلع لدوامي اشغل المسجل على سورة البقره وارجع الاقيها حاطته على قناة افلام والا اغاني والا براعم <<انا مشبكه المسجل مع التي في

شي ثالث لاحظت ان يدها خفيفه مع اني ماقصر عليها بشي لكن مثلا اكون شاريه شي مثلا علبة كولا وحاطته بالثلاجه مجرد اطلع من المطبخ والله العظيم اقل من خمس دقايق الا هو مختفي وتسوي نفسها بريئه مو عارفه شي ولا فاهمه علي<<<على فكره اكون شاريه لها معي وهي تشربه واحنا بالسوق عوافي عليها لكن لاتسرق تقولي باخذ وانا اعطيها ماعمري رديت عنها شي

وشي رابع وهو اللي سطح كبدي وفقع مرارتي سارقه عباتي انا شريت لها كاب قامت رمته واخذت عباة الدوام حقتي وصارت تلبسها ولما سالتها وقلت هذي عباتي جتني بقوة عين وتقول لا هذي اللي انتي شريتيها لي وبكل بجاحه انا اللي غلطانه وهي اللي صح فتشت دولابها ماحصلت الكاب مدري وين راميته

نجي للطامه بالبيت مافيه الا انا وزوجي ولدي ابو سنتين ثلاث مرات تنسرق من بوكي 100 ريال يعني 300 ريال وكله متاكده انها كانت ببوكي وولدي مستحيل يفتح البوك وياخذ ال100 ويرجع يصك البوك اول مرة قلت يمكن طاحت مني بالسوق ثاني مرة قلت يمكن صرفتها وانا مدري مع اني متاكده انها مستحيل تضيع وسالتها قالت مدري والمرة الثالثه سويت كمين لها وتركت ال100 ببوكي وتركت البوك بالصاله ورحت لجارتي قعدت تقريبا ساعة ونص ثم رجعت لبيتي
ولبست عباتي ونزلت للمطعم بجنبنا اخذت المنيو بطلب منهم وفي الاثناء نسيت غرفتي فاتحه رجعت البيت وجيت ادور البوك عشان بحاسب المطعم الا ملاقيه بمكانه ادور عليه عاد قالت لي مدري وينه شوي قالت انتي روح فوق وتركتي البوك بالغرفه وانا متاكده اني مااشلته من مكانه المهم رحت غرفتي حصلت البوك على الكومدينه وناقص ال100
يعني الاخت سرقت الفلوس وردت البوك بغرفتي عشان اصدق اني انا اللي حاطته بغرفتي ماادرت انه كمين مسويته فيها
وهي من شافتني ادور بالبوك وهي مختبصه ومفهيه وتسرح لانها سمعتني اكلم زوجب وجبنا طاري الميه

بعد هالسالفه الطويله بشاوركم انا قفلت البيبان عشان ماتنحاش وسويت نفسي مو مهتمه ولا شي لكن بكره بوقعها على راتبها شهر وبخصم ال300 منها وبوديها للمكتب غير اني بخليها تفصخ كل مااعليها وتذلف الله لايردها

بالله عليكم كذا تحسوني ظالمتها والا وش رايكم وش السوات بها