شغالتي فاضيه ابي استفيد مدامها عندي بس كيف

شوفي إذاتعرف للخياطه جيبي لها مكينه وخليها تخيط أذكر ماشاء الله
جاتي عنده شغاله تعرف تخيط جابت لها مكينه وكل مافرغت من شغل البيت تتسلى فيها
وجيبي لها مسجل صغير لها فيه رادو إذا بتعرفين رقم محطتهم وخليها تسمع فيه قرآن
لو كانت مسلمه أو تشتغل بالصوف والحياكه مرره مسليه وتقطع وقت..

أختي الكريمة
الخادمة يتم التعاقد معها من جهة بلدها للقيام بأعمال منزلية وهي لديك لهذا الأمر وكون الخادمة تنهي أعمالها بسرعه ومهارة لا يوجب عليك من ناحية انسانية استغلالها فهي ليست بآلة فلا بد لها من أوقات للراحة فلنفرض أنك معلمة أنهيت حصصك بالمدرسة هل تريدين ممن هي بموقع السلطة والقوة كالمديرة أن تستغلك لعمل يدر عليها او للمدرسة زيادة في الدخل لكن في حال انك تستأذنينها وتعطيها نصيبها من عرق جبينها دون اجحاف فالمسألة فيها احقاق للحق

ممكن تخلينها تروح تشتغل ببيت معروف ولها راتب تحدديه
ولو انتي بشمال الرياض ارسلي لو اعطيها نص الراتب بس تجي مره بالاسبوع واذا ماتستغني عنها
خليها تلبس قلفز وجونتي وتلف معك وتسوي معجنات وترفزن

مادرى كيف وضعك يعني بيتك كبير ؟ عندك اطفال ؟ عشان نقدر نعطيك افكار
عالعموم انا كنت لمى اطلع مشوار وادري اني بطول كنت اطلع لها ملفوف لاني ماحب شغله يتعب واخليها تلف واشدد عليها من ناحيه النظافه
وبعد كانت تقطع لي الخضار بكميات كبيره للايدامات وتجمدهم ولمي اجي اطبخ اطلع الكيس من الفريزر واغسل الخضار بعدها

وكنت اخليها تجهز لي حشوات السمبوسه والسبرنق رول انواع (دجاج ولحم وخضار وجبن )وانا اسوي اللف
وبعد سوي لها جدول التنظيف العميق يعني كل يوم تمسك غرفه من الي من جدران وشبابيك وكله طبعا مع شغلها اليومي على كذا ماعتقد فيه فراغ
واذكر اغلب الشغالات يحبون الخياطه يمكن تستفيدين منها بتعديل شي
هذا اللي جاء ببالي واذا تذكرت شي برجع

خليها تقرا قرآن ولاتنوم إذا خلصت من شغلها
وترتاح مسكينه مهوب لازم تشتغل طول النهار وفي الليل