شغالتي فليبينية وأحتاج مشورتكم

شوفي أختي اولآ شاوري نفسك
( والي هذا اوله ينعاف تاليه )
وش ذا الشروط عندها شكلها تمننا عليك وشايفة إنك تبينها وتغلا عليك
أنا أقول جيبي وحدة ثانية وخلي ذي تذلف لديرتها
ويمكن بعد إذا جت مرة ثانية تهبل بك وبتقول هي ما تستغني عني
وأنتي عاد وقرارك الله يوفقك لخيري الدنيا والأخرة

للرفع

قدمي غيرها
واستخيري والله كأنها زوجك

تتشرط؟؟؟؟؟

انا ابي اقولك انا عندي فلبينيه ولسه ما كملت سنه وتبي تروح وكمان اختي نفس الشي شغالتها تبي تروح والله اعلم ان الفلبنيات يبون رواتب 1500 مثل ماهو مكتوب في الجرايد وهذول اللي عندنا شكلهم اهلهم قايلين لهم ان الرواتب الجديده على 1500 ريال وبصراحه انا الحين ابي اجيب وحده ثانيه وما ابي غير فلبنيه ما ابي اي جنسيه ثانيه يا اختي وش نسوي انا محتاره مثلك بس انا اقول حاولي معاها وحاولي توصلين راتبها الي 1000 يمكن تقعد لان الفلبنيه اهم شي عندها الراتب واذا انت مرتاحه معاها لا تفرطين فيها ترا صعب تلاقين وحده زينه

جزاكم الله خيرا يا حبيباتي على الردود
وعين العقل يام أم توتي وفعلا كلمتها أمس بالليل وقلت لها إني زعلت منها بسبب ما ردت علي مباشرة وقلت لها ليش تشتكي من كثر الشغل و بيتي ما كثير كبير يعني كلها ثلاث غرف ومطبخ وصالة وأنا طبعا أنظف غرفتي بنفسي و ولا مرة سمحت لها تدخل غرفتي ، وما عندي ضيوف أبدا إلا نادرا وأنا إللي أهتم بأولادي لما أكون في البيت ، قلت لها إذا تريدي بزيد راتبك أما أساعدك في شغل البيت فأنا آسفة لن أستطيع إلا إذا أنا متفرغة ممكن أساعدها، المهم سألتها كم تريد خجلت ترد وخبرتها بعطيكي 900 ريال هل هذا يكفي ، سبحان الله يا بنات كان باقي شوي وتطير من الفرحة وعلى طول وافقت وفرحتني معها.

بصراحة لما قرأت وسمعت عن مشاكل الخادمات شكرت ربي إن عندي هذه وقلت في نفسي حتى لو طلبت أكثر من 900 باعطيها لأني ما أظمن أحصل وحدة على الأقل بنفس مواصفاتها.

والحمد لله على كل حال