السلام عليكم ورحمة الله وبركاته
يابنات امانه هالكلام اللي تعرف أصحاب هالبيت تنبهم لأني كل اللي اعرفه أنهم يسكنون بالملز شارع شاهرا بن تميم بالرياض وانأ بقولكم القصة .
إنا عندي شغالة والله أول ما جتني كانت بنت حلال وطيبه مافيه منها حدها لين سنه ونص جلست تبكي وتصيحي وتقول اابي اسافر المهم عندنا مشكله استقدام شغاله من اندونيسيا قلت اشتري لها هديه وأرغبها بالجلوس لين تجلس والله إني أعامها بكل طيب ولا عمري مديت يدي عليها وهي بعد صح تقول ابي اسافر بس تشوف شغلها وماشيه تمام والحمد لله ورضيت . المهم الغلط اللي سويت هاني اشتريت لها جوال ومدري انه مصيبة المصايب في البدايه كانت امها وزوجها يتصلون عليها واخوها بعدين بعده بشهرين لقيت مكالمات من السعودية ولقيتها مصوره نفسها ولقيت صور رجال بجوالها ورقم شغاله من الرياض يوم سألتها هذي مين قالت من طرف زوجها وإنها تشتغل بالرياض المهم هاوشتها واخذت الجوال وحطيت رقم الشغاله بخدمة الكنتروال . جتني تبكي وتعتذر وتقول والله ماني مكلمه احد وابي اطمن على زوجي مي وبنتي وعدتني انها مالها دخل في هالشغاله وكانت تبكي وتترجاني المهم انا اعطيتها جوال وصرت اشوفه كل اسبوع لين وثقت انها ما تكلمها وتركتها جتني بعد ها تقولي ابي جوال كاميره بلاك بيري ودفعت قيمته وقالت ابي اشتريه وجلسنا على هالحال كم شهر لين عرفت انها تتدخل النت من خلاله وانها مسويه صفحة بالفيس بوك لها وان وتلبس لبسي ولبس بنتي وتتصور وتحط صورها بالنت واللي حرضها على كذا الشغاله اللي بالرياض وهي اللي سوت لها الصفحه واعطتها الباس الايميل وهذي الشغاله لها تسع سنوات بالرياض وتقول تشتغل عند وحده عجوز وهي كمان تحط صورها وهي اعوذ بالله بالعريان وتبي تروج لعمرها ومسكينه هالعجوز اللي عندها ما تدري عنها لو تتدخل رجال والله يابنات انها حاطه صورها عريان ومكياج ورقم جوال وكل شئ وشكلها نيتها مو زينه انا ما اعرف الا صفحتها ورقم جوالها وهي الوسخه ما تعطيني المدام وانا بصراحه والله ما دفعني الى كتابه الموضوع الا خوفا على هالعجوز الضعيفه لايكون تستغلها وتستغل بيتها لامور الله يعلم وحده فيها وهذي صورتها ورابط صفحتها يا بنات امانه انقلوا الموضوع عسى اننا نكشفها قدام الكفلاء او نجنبهم شرها وهي حاطه عنوانها الرياض شارع الملز شارع شاهرا بن تميم فيلا رقم 1 ايه يابنات نسيت اقولكم ان شغالتي لما سالتها ليش اتصلتي عليها قالت انا ما اتصلت هي دقت قلت لها كيف وانا منعتها من الاتصال وحطيت رقمها بكنترول قالت هي جابت رقم جديد حسبي الله عليها مقويه هالشغاله وشكلها ما يعيقها شئ الله يستر منها والله ماهن هينات مسويات صفحات بالفيس بوك وبلاوي ونشر وتعارف على رجال وكل هذا من جوال يابنات انتبهوا من شغالتكم لاتجيبو لهن جوال نصيحه
امانه كل ما تقرا تنقل لعلنا ننقذ احد الله يسترعلينا ويحفظ لنا كل غالي ويحمي ضعفنا
هذا هو رابط صفحتها بالفيس بوك وحسبي الله عليها كل هذا وهي في بيت هالضعيفه اللي ما تدري عنها ومن جوالها
xxxxxxxxxxxxxxxx يمنع وضع روابط من خارج المنتدى
المشرفه
صورتها
