شغل زوجي قاهرني

السلام عليكم


ودي افضفض لكم بشي مضييق صدري خاصه اني بأخر حملي واحس بضيقه عامه


من تزوجت وانا اعرف ان زوجي يشتغل مع نساء من خلال المستشفى


وهالشيء ماكان ببالي لاني اعرف ملتزمين يشتغلون باماكن فيها نساء ولا يهتمون لهم


بس زوجي عينه زايغه يهتم للاجسام وللملامح وللاسلوب صحيح انه يخاف الله بس هالحريم يفتنونه خاصه اني الحين حامل وسااااامنه مرره

ومالي خلق اتزين لكن مااهملت نفسي اتزين واتعطر والحمدلله انا ماعلي مقبوله حتى هو يشهد لي بالشيء ذا

بس انا اغااااااار بموت من الغيره الداخليه ...



على فكره انا احاول اطرد عني هالوساوس بس شعوري الداخلي غصب عني مااقدر اتحكم فيه