اسعد الله صباحكم عزيزاتي..........
ماودي اطول عليكم بس ودي أحد يسمعني ويشور علي مشكلتي زوجي ياكثر قعداته على جواله واذا دخلت عليه احصله يايلعب في لعبه من الالعاب اللي عنده او يقرأ في الصحف الالكترونيه
إلى أن طبيت عليه يوم من الايام وارتبك وتغير لون وجهه شكيت في أمره قلت اعطني جوالك اشوفه رفض وبشده مو عادته وبغى يطلع من البيت بس انا نشبت له قلت والله اطلع وراك وبدون عبايه وقعدت على راسه الى ان استسلم وقالي خذي الجوال وشوفي هذا ولد عمي صف ثاني متوسط قاعد اتسحب منه كلام ((((الله لا يوريكم كلام تمنيت أموت ولا اشوف زوجي يرسل هالكلام))))))) التواصل كان عن طريق الواتس أب
لما شفت الرسايل بغى يوقف قلبي __زوجي قام يحلف ويقسم بالله ان ما بينهم شي بس الولد هذا قبل سنه سوا حركه لزوجي يقول انصدم منه كيف تجرأ يسوي لي كذا ويقول ارسلت له الحين بشوف وين وصل ويقول كنت بساعده عشان ييبعد عن ذا الطريق وهو ولد عمه يقول اللي يسئ لسمعته يسئ للعايله كلها وحلف لي ان هذي اول مره يرسله كلام من ذا النوع ___
قلت لزوجي ما اصدق الا اذا دقيت عليه قدامي وبينت لي فعلا ما بينكم شي بالفعل دق وقدامي وصدقت ان مابينهم شي وطول الفتره هذي زوجي حريص على رضاي وماعاد يهتم بجواله زي اول .
وانا عندي قاعدة اللي يغلط هو اللي يحاول يغطي على غلطه ويراضي زوجته ويحاول ينسيها .
المصيبه الحين ثقتي فيه انهزت كيف اتخلص من هالجحيم . توقعته أقوى من كذا مو بالسهوله هذي يستسلم لأي فتنه تجيه الحين اقول لو جاه العرض من واحده مو واحد وش راح يسوي والله صرت أوسوس وأهوجس وللحين احس اني أحلم مو مصدقه زوجي وأبو عيالي طلع منه هذا الكلام , المعذرة طولت عليكم بس والله من النار اللي في قلبي
أنين الروح M @anyn_alroh_m
عضوة جديدة
يلزم عليك تسجيل الدخول أولًا لكتابة تعليق.
نسايم ليييل
•
حاسه فيك بس دام تأكدتي انه ولد الحمد لله والله ماجاتنا هاالمصايب الا من هالواااتس جعل من اخترعه مايتوفق
بحر هايج
•
بما ان زوجك برر موقفة ومثل ماقلتي طلع كلامة صح اطمني واستعيذي من الشيطان وخلي ثقتك فيه كبيرة . وهو يمكن يحاول ينسيكي السالفة لانة فعلا يريد رضاك ويحبك وما يرضلك الزعل ,,, ربي يوفك اختي
نسايم ليييل , نولي , بحر هايج
أشكر كم على الرد وربي كلامكم خفف علي كثير الله يسعدكم دنيا وآخرة
أشكر كم على الرد وربي كلامكم خفف علي كثير الله يسعدكم دنيا وآخرة
احمدي ربك انو طلع ولد وانو راضاك معناه يحبببك وخلي الشكوك ع جنب ولا مااعدمنا الاهي كل ماتتذكري الموضوع استغفري وراح تنسين
الصفحة الأخيرة