شك في شرفي و شكيت فيه بسبب السحر وأطلقنا 😰 عندي اسئله ساعدوني

السلام عليكم بنات ... بقولكم على طول اللي عندي
انا أطلقت من ٥ شهور و طليقي خلاني معلقه عند اهلي قبلها ٧ شهور و ٣ شهور العدة صارت كذا ٩ شهور
و عندي بنت اللحين عمرها سنه و اهلي متكفلين فيها بكل شيء ويقولون لي لاتطالبينه بالنفقة عشان بعدين مايجي يطالب في البنت بعدين لان اهلي تعلقوا في بنتي و ماعليهم قاصر و مستعدين يتكفلون فيها سؤالي انا ناوية ارفع عليه قضية نفقة لي ولبنتي وأهلي ينصحوني يقولون لاتطالبينه عشان مايجي بعدين يطلب في بنته و تصير الحجه عليه انه ماصرف على بنته .... و انا والله كنت احبه وهو بعد لكن حصل بيننا سحر قوي و في الأخير انقلبت المحبة لكراهية مني ومنه و اصبح ينتقم مني و أفكر انتقم منه او بالأحرى أطالبه حقوقي لأني كنت متنازله عن كل شيء الا بعد حركة سواها خلتني انقهر و انوي مطالبتي بحقوقه وحقوق بنته ..
الشيء الثاني : انا للحين احبه !! و متى رجعت لي الأحاسيس هذه بعد الطلاق شككت فيه انه على علاقته ببنات وهو ماله ولهاامور عرفت هالشيء بعدين و كنت اقول له منت رومانسي و أسبه احيان وصبر علي السحر كان لي انا شككت فيه و تكلمت عليه انه قاسي وماعندي احساس مثل الصخر وانه على علاقته ببنات و في الأخير صار نفس الشيء معي شكك فيني وشك في شرفي بصراحة تحملني لين كرهني هو الأخير وكنت اقرأ روايات حب وهذا بعدما ولدت ببنتي واللي سميناها رفاء ... زي اذا قلنا بالرفاء والبنين و كان يحبني بس اللحين يكرهني و يكره كل شيء رمى أغراضي كلها و رمى أغراض بنته و لا أرسل شيء غير شنطتين فيها ملابسي وبس ....قلبي محروق احبه و هو صاريكرهني لان اخر شيء بدأ هو يشكك فيني لأني كنت أتكلم عن قسوته و كنت أمسك دفاتر واكتب فيها أغاني حب و اقرأ روايات حب و من هنا أغلط عليه المفهوم اني أحب واحد ثاني !!! عشان كذا صار يكرهني ،،، أتمنى أوضح له اني ماخنته أتمنى يعرف الحقيقة أتمنى بس يرجع يعرفني لان صورتي أمامه تشوهت و قسم بالله طلع الشيب برأسي خلال سنه وحده .... اللحين انا مشتت ذهني
من ناحيته النفقة والمتعه و من ناحية أتمنى يعرف كل شيء و من ناحية مستقبل بنتي
ماعرفه ارتب الموضوع اكثر من كذا وأتمنى تكونوا فهمتوني وتساعدوني بآرائكم ...
هل اذا مطالبته بالنفقة مايحق له يجي يطالب في بنته بعدين و اضمن وجود بنتي معي ومع اهلي طول عمرها مقابل انه ماصرف على بنته
و أتمنى اقوله اني بريئة من اي شيء يخل بشرفي لانه ماصار يكرهني الا بعدما اخذ رواية ودفتر كنت اكتب فيه الأغاني والأشعار ... ماعندي الجرأه أرسل له لأني اخر شيء انداس على كرامتي غصب عني كنت ابي أوضح له اني انسحرت و هو يعتقد اني خائنه و ابي بس اتمسك فيه .. هذا اللي عندي بنات شوروا علي محتاررره في امري كله تعبت من التفكير ...