شلون اتصرف معاها؟

مساء الخير

راح اطرح لكم اللي صار معاي مع اقرب الناس لي واتمنى تفيدوني وشلون اتصرف؟
هي وحده قريبتي ومن اقرب الناس لي اعتبرها كأخت واكثر
كنت اعطيها كل اسراري واحبها وارتاح لها
بيوم قالت لي اناسمعت كلام عنك وراح اقوله لك بس لاتعصبين انا بقولك احذرك
قلت سمي قالت لي ان فيه بنت( من قرايبنا بعد) تقول ان زوجك فيه وفيه وكلام قالته عن زوجي ماينقال ابد
انا انصدمت وعصبت على البنت اللي قالته لها ورحت بتصل بزوجي وبتاكد من كلامها لكن هونت وقلت بصبر
رحت وسالت( البنت اللي قالت انها قايلته) انكرت وارتاعت من الكلام وقالت وربي اني ماقلته ولاشي وقامت تحلف بنفسها
انا بصراحه شكيت بالثنتين وماتاكدت من اي وحده
لكن رحت وسالت اخت قريبتي اللي وصلت لي الكلام وقالت والله انا كنت معهم وان هالشي ماصار والبنات ماقالوه وان اختي مطلعه هالحكي من راسها(لان هالكلام صار بجمعه البنات كلهم)
وصل الخبر لقريبتي اللي وصلت لي الكلام واتصلت فيني وقالت معقوله تصدقينهم وتكذبيني؟
انا اقرب لك منهم ومدري ايش المهم قلت لها الموضوع منتهي قالت لا ماانتهي بس واجهيني فيهم قلت اوكي بعدين هونت قالت لا مولازم اخاف اخربها واتهاوش معهم قلت براحتك وانا الموضوع بالنسبة لي منتهي لاني ماحبيت اكبر السالفه بحكم اللقرابه اللي بينا
امها اتصلت فيني وقامت تتعذر وتبكي وتقول لاتواخذين بنتي انا مدري شلون طلعت هالكلام وتعتذر مني
انا شلون اتصرف؟
البنت هذي بصراحه تغيرت نظرتي لها وصرت اجاملها عشان امها
وابي اعرف ليه تتكلم بزوجي كذا؟وصارت تهتم فيه كثير خصوصا بعدماشافت صورته عندي
وصارت كل شوي تسالني عنه هل هي تبي تقهرني او كيف؟
اتمنى القى منكم الرد لاني مابي اشيل على احد